سەردێر

پەروەردە نمرە دەدات بە خوێندكارانی 12ی ئامادەیی

خەڵك-
وەزارەتی پەروەردە بڕیاریدا بە پێدانی 10 نمرە بە خوێندكارانی پۆلی 12ی ئامادەیی بۆ ئەوانەی تاقیكردنەوەی بەراییان ئەنجام داوە.

سەرچاوەیەك لە پەروەردەی سلێمانی بۆ (خەڵك) ئاماژەی بەوەكرد، وەزارەتی پەروەردە 10 نمرەی داوە بەو خوێندكارانەی تاقیكردنەوەی بەرایی پۆلی 12ی ئامادەییان ئەنجام داوە، ئەوەش لەپێناو ئەوەی زۆرترین خوێندكار بتوانن بەشداری لە تاقیكردنەوە گشتییەكان بكەن.

لای خۆشیەوە، بەرێوەبەرێتی پەروەردەی قەرەداغ لە ڕاگەیەنراوێكدا، كە وێنەی دراوە بە (خەڵك) ئاماژەی بەوەكردووە، ئەو خــوێندكارانەی تاقیــكردنەوەی بەرایی پۆلی دوانزەیەمـــی ئامــادەییان كـردووە ئاگادار دەكەین، كە وەزارەتــی پەروەردە (۱۰) نمــرەی داوەتە هــەر خــوێندكارێك.

پەروەردەی قەرەداغ داواشی لە خوێندكاران كردووە، “ڕۆژی یەك شەممە سەردانی پــەروەردەی قــەرەداغ بكەن بۆ زانینی هەر گۆڕانكارییەك، كە لە نمرەكانیاندا ڕوویدابیت”.