سەردێر

سەرۆكی حزبێكی هەرێم هاك كرا

خەڵك-
هەژماری فەیسبووكی ڕێكخەری گشتی بزاڤی چاكسازی و گەشە لە هەرێم هاك كرا.

د. محەمەد بازیانی، ڕێكخەری گشتی بزاڤی چاكسازی و گەشە لە ڕاگەیەنراوێكدا ئاماژەی بەوەكردووە، “ئاگاداری هاوڕێیانم دەكەمەوە، كە لە دوێنێ شەوەوە لەلایەن هەندێك كەسانی دەروون نەخۆش ‌و خوانەناس، ئاكاونتەكەم بەناوی ( د. محمد بازیانی) هاك كراوە و لە شوێن وێنەی من، وێنەی ئافرەتێك دانراوە”.

ڕاشیگەیاندووە، “بۆیە من وەك دكتۆر محمد بازیانی بەرپرس‌ نیم لە هەر بابەتێك، كە لە سبەی شەوەوە بڵاو‌دەبێتەوە”.

دەشڵێت: “خوای گەورە هیدایەتی ئەو هاككەرانە بدات، كە هاكی ئەم ئاكاونت و پەیجانە دەكەن، كە سوودی بۆ موسڵمانان و داكۆكیكارە بۆ ‌مافی هاووڵاتیان، ئەگەر زاتی اللە خۆی دەزانێت دەرفەتی هیدایەتیان هەیە، ئەگینا لە كۆڵیانكاتەوە و ببنە پەندی زەمانە”.

وەك ڕێكخەری گشتی بزاڤی چاكسازی و گەشە ئاشكرای كردووە، لە ئێستادا تەنها هەژمار (پەیج)ەكەی بەدەست خۆیەوەیەتی و لێی بەرپرسە و هەوڵی گێڕانەوەی (ئەكاونت)ەكەی دەدات.

May be an image of 1 person and text



هەلبژاردە

گرنگترینەکان