سەردێر

ئەمڕۆ نەوت لەم گەڕەكانەی سلێمانی دابەش دەكرێت

خەڵك-
دابەشكردنی نەوتی سپی لە ناو شاری سلێمانی دەستی پێكردەوە و سەرۆكی لیژنەی دابەشكردنی سووتەمەنیش دەڵێت: “ئەمڕۆ لە گەڕەكەكانی سننووری مەڵبەندی 5 نەوت دابەش دەكەن”.

تەها جەمال، سەرۆكی لیژنەی دابەشكردنی سووتەمەنی لە سلێمانی بۆ (خەڵك) ڕایگەیاند، ئەمڕۆ شەممە لە سنووری گەڕەكەكانی مەڵبەندی 5ی خۆراك لەناو شاری سلێمانی دەستیان بە دابەشكردنی نەوت كردۆتەوە بەپێی كارتی زیرەك.

ڕاشیگەیاند، لە دابەشكردنی نەوت بەردەوام دەبن و ئەمڕۆ لە سنووری گەڕەكی زەرگەتە و زەرگەتەی كۆن نەوت دابەش دەكەن و دواتریش دەچنە گەڕەكەكانی بەرانان و كوردسات، كە سەر بەو مەڵبەندەن.

جەختیشی كردەوە، تا ناردنی نەوت لەلایەن حكومەتی عیراقەوە بەردەوام بێتت نەوت دابەش دەكەن و بۆ هەر بەرمیلێك بڕی 44 هەزار دینار وەردەگیرێت.