سەردێر

هاووڵاتیەك لەكاتی مەلەكردن لە سەیرانگای كونەماسی خنكا

خەڵك-
نیوەڕۆی ئەمڕۆ لە سەیرانگای كونەماسی لە ناوچەی شارباژێڕ هاووڵاتییەك لەكاتی مەلەكردندا خنكا.

بەپێی زانیارییەكانی (خەڵك) نیوەڕۆی ئەمڕۆ هاووڵاتییەك، كە خێزاندارە و خاوەنی منداڵە لە سەیرانگای كونەماسی لە شارباژێڕ لەكاتی مەلەكردندا خنكاوە.

هەر بەپێی زانیارییەكان، ئەو هاووڵاتییە لەگەڵ خێزان و كەسوكارەكەی چووە بۆ سەیران و لەكاتی مەلەكردندا لە گۆمێكی لمینی قووڵدا خنكاوە و ئێستاش تەرمەكەی لە پزیشكی دادوەری سلێمانییە.

ئەو هاووڵاتییە ناوی (محەمەد ئەحمەد)ە و پێشتر لە ئەوروپا ژییاوە و دوای هاوسەرگیری و پێكهێنانی خێزان گەڕاوەتەوە كوردستان و لە سلێمانی نیشتەجێ‌ بووە.