سەردێر

پەرلەمانی عیراق وادەی دەستپێكردنی وەرزی دووەمی یاسادانان ڕادەگەیەنێت

خەڵك-
پەرلەمانی عیراق، وادەی دەستپێكردنی وەرزی دووەمی یاسادانان بۆ ساڵی سێیەمی یاسادانان، ڕادەگەیەنێت.

بەپێی بەیاننامەیەك كە لەلایەن فەرمانگەی ڕاگەیاندنی پەرلەمانی عیراقەوە بڵاوكرایەوە” سەرۆكایەتی پەرلەمان بەپێی ماددەی (57)ی دەستور، ئەنجومەنی نوێنەران خولی سازدانی ساڵانەی كە دوو وەرزی یاسادانانە و ماوەكەی هەشت مانگە، پرۆگرامی ناوخۆ و چۆنیەتی سازدانی دیاریی دەكات،  ئەو وەرزی یاسادانانەش كۆتایی نایەت كە بودجەی گشتی تێدا پیشنیار دەكرێت، تا ئەو كاتەی ڕەزامەندی لەسەر دەدرێت”.

هەر لە بەیاننامەكەدا هاتووە”سەرۆكایەتی پەرلەمانی پیرۆزبایی لە هەوڵی دڵسۆزانەی پەرلەمانتاران و فراكسیۆنە پەرلەمانییەكان دەكات، بۆ پەسەندكردنی بودجەی فیدراڵی 2021، و ڕایدەگەیەنێت كە سەرەتای وەرزی دووەمی یاسادانان بۆ ساڵی یاسادانانی سێیەم، ڕۆژی سێ‌ شەممە ڕێكەوتی 2021/4/20، دەبێت”.