سەردێر

“ئەمریكا و ئێران دانوستان ناكەن”

خەڵك-

وتەبێژی حكومەتی ئێران ڕایدەگەیەنێت، هیچ دانوستانێك لە نێوان ئەمریكا و ئێران بەڕێوەناچێت.

میدیای ئێرانی بڵاویكردەوە، عەلی ڕەبیعی وتەبێژی حكومەتی ئێران ڕایگەیاند، ئەمڕۆ وەرزێكی نوێ لە ڕەوتی شكستخورادنی دووبارەی ڕێكەوتنی ئەتۆم دەبینین و هەڵویستی سەرەكی ئێمەش ئاشكرایە، هیچ دانوستانێك لە نێوان ئێران و ئەمریكا نابێت.

وتیشی”هەركات گەمارۆكان هەڵوەشێنرایەوە و بڕیارنامەی 2231 جێبەجێ بكرێت، كۆماری ئیسلامی ئێرانیش ئامادەی دانوستانە بە زووترین كات دەگەڕێتەوە سەر بەڵێنەكانی”.

ئەمەش لەكاتێكدایە، دوای هاتنی بایدن بۆ سەرۆكایەتی ئەمریكا، دەنگۆی دەستپێكردنەوەی كۆبوونەوەكانی ئێران و ئەمریكا سەیهەڵدا، بەڵام تاكو ئێستا هیچ بەرەو پێشچوونێك لەو بارەوە نییە.