سەردێر

هاتووچۆی هەولێر ئاگاداریەك بڵاودەكاتەوە

خەڵك
هاتوچۆی هەولێر، ئاگادارییەكی بۆ ئەو كەسانە بڵاو كردەوە، كە نۆرەی تاقیكردنەوەی دەرهێنانی مۆڵەتی شۆفێرییان بۆ دانراوە.

ئەمڕۆ سێشەممە فازڵ حاجی، وتەبێژی بەڕێوەبەرایەتیی هاتوچۆی هەولێر، ئاگادارییەكی بڵاو كردەوە و ئاماژەی بەوەكرد، سەرجەم هاووڵاتییان و داواكارانی دەرهێنانی مۆڵەتی شۆفێری ئاگادار كراونەتەوە، بە تایبەت ئەو كەسانەی نۆرەی تاقیكردنەوەی دەرهێنانی مۆڵەتی شۆفێرییان لە ڕۆژی پێنجشەممە 8/4/2021 بۆ دانرابوو، كە بەهۆی ڕاگەیاندنی پشوو لەو ڕۆژەدا، نۆرەكانیان بەسەر ڕۆژەكانی هەفتەی داهاتوو دابەش دەكرێت، كە بەم شێوەیەی خوارەوە دەبێت:

1- ئەوانەی كاتژمێر 8 بۆ 9یان بۆ دیاری كرابوو، لە ڕۆژی یەكشەممە 11/4/2021 تاقیكردنەوەكان ئەنجام بدەن.

2 – ئەوانەی كاتژمێر 10یان بۆ دیاری كرابوو، لە ڕۆژی 12/4/2021 تاقیكردنەوەكان ئەنجام بدەن.

3 – ئەوانەی كاتژمێر 11یان بۆ دیاری كرابوو، لە ڕۆژی 13/4/2021 تاقیكردنەوەكان ئەنجام بدەن.

4 – ئەوانەی كاتژمێر 12یان بۆ دیاری كرابوو، لە ڕۆژی 14/4/2021 تاقیكردنەوەكان ئەنجام بدەن.