سەردێر

د.ڕێواز فایق؛ پەڕلەمان ڕۆژی چوارشەممە كۆدەبێتەوە

خەڵك
سەرۆكی پەرلەمانی كوردستان بانگهێشت بۆ گشت ئەندامەكانی پەرلەمانی كوردستان ڕەوانەدەكات بە مەبەستی ئامادەبوون لە كۆبونەوەیەكی ئاسایی ڕۆژی چوارشەممە رێكەوتی 2021/4/7 ، كه یەكێك لە تەوەرەكانی بەرنامەی كار پێشنیازە بڕیاری ڕۆژی ڕۆژنامەگەریی كوردی لەهەرێمی كوردستان.

د.ڕێواز فایق حسێن ، سەرۆكی پەرلەمانی كوردستان لە ڕاگەیەنراوێكدا بڵاویكردەوە، كە بە پشت بەستن بەحوكمی بڕگەی (سێیەم) لەماددەی (18)ی پەیڕەوی ناوخۆی پەرلەمانی كوردستان-عێراق، بڕیارماندا بانگهێشتی گشت ئەندامەكانی پەڕلەمان دەكات بۆ دانیشتنی ژمارە (6)ی ئاسایی خولی بەهارەی ساڵی سێیەم لەخولی هەڵبژاردنی پێنجەمی پەرلەمانی كوردستان-عێراق، لەكاتژمێر (11)ی پێشنیوەرۆی ڕۆژی چوارشەممە رێكەوتی 2021/4/7.

سەرۆكی پەرلەمانی كوردستان لە ڕاگەیەنراوەكەدا داوا لەسەرجەم پەڕلەمانتاران دەكات لەكاتی دیاریكراودا ئامادەی كۆبونەوەبن .

به‌رنامه‌ی كار
به‌پێی حوكمی مادده‌ی (5)و بڕگه‌كانی (یه‌كه‌م و دووەم و سێیەم) له‌مادده‌ی (16)و بڕگه‌ی (سێیه‌م) له‌مادده‌ی (18)و بڕگه‌كانی (یه‌كه‌م و دووه‌م و سێیه‌م و چواره‌م و پێنجه‌م) له‌مادده‌ی (20)و مادده‌كانی (47، 48، 52، 54، 55، 56، 57) له‌په‌یڕه‌وی ناوخۆی په‌رله‌مانی كوردستان-عێراق، ده‌سته‌ی سه‌رۆكایه‌تیی په‌رله‌مان بڕیاریدا به‌رنامه‌ی كاری دانیشتنی ژماره‌ (6)ی ئاسایی خولی بەهارەی ساڵی سێیەم له‌خولی پێنجه‌می هه‌ڵبژاردنی په‌رله‌مان له‌كاتژمێر (11)ی پێشنیوه‌ڕۆى رۆژی چوارشەممە رێكه‌وتی 2021/4/7، به‌م شێوه‌یه‌ بێت:
یه‌كه‌م: خوێندنه‌وه‌ی دووه‌م بۆ پێشنیازەیاسای (هاوردەكردن و فرۆشتنی بەرهەمە نەوتییەكان لەهەرێمی كوردستان-عێراق) به‌پێی حوكمی مادده‌كانی (87، 88، 89) له‌په‌یڕه‌وی ناوخۆی په‌رله‌مانی كوردستان.
دووەم: خوێندنه‌وه‌ی یەكەم بۆ ئەم پێشنیازەیاساو بڕیارانەی خوارەوە به‌پێی حوكمی مادده‌كانی (79، 80) له‌په‌یڕه‌وی ناوخۆی په‌رله‌مانی كوردستان:
1. پێشنیازەیاسای ڕێكخستنی ئامێرەكانی چاودێری لەهەرێمی كوردستان-عێراق.
2. پێشنیازە بڕیاری ڕۆژی ڕۆژنامەگەریی كوردی لەهەرێمی كوردستان-عێراق.
سێیەم: خستنەڕووی بیرۆكەی بەڕێز پەرلەمانتار (مەم بورهان محمد) پەیوەست بە (حكومڕانیی بیرۆكراسی) بەپێی حوكمی خاڵی (2)ی بڕگەی (یەكەم) لەماددەی (49)ی پەیڕەوی ناوخۆی پەرلەمانی كوردستان-عێراق.


هەلبژاردە

گرنگترینەکان