سەردێر

بەڕێوەبەرایەتی حەج و عومرە ڕاگەیەنراوێك بڵاودەكاتەوە

خەڵك
بەرێوەبەرایەتی گشتی حەج و عومرە ڕایدەگەیەنێت ، ئەو كۆمپانیانەی بەنیازن بۆ ئەمساڵ گەشتی عومرە ئەنجام بدەن پێویستە سەردان بكەن بە مەبەستی تۆماركردنی ناوی كۆمپانیاكەیان و دوای تێپەربوونی ئەو وادەی بۆیان دیاریكراوە رێگە بە هیچ كۆمپانیا و كەسێك نادرێت ریكلام لە میدیاكان و سوشیاڵ میدیادا بكەن.

بەرێوەبەرایەتی گشتی حەج و عومرە لە ڕاگەیەنراوێكدا ، سەرجەم كۆمپانیاكانی حەج و عومرە ئاگاداردەكاتەوە ، كە مۆڵەتی فەرمییان هەیە و دەیانەوێ بۆ ئەمساڵ گەشتی عومرە ئەنجام بدەن، تا رۆژی سێشەممە رێكەوتی ١٣ \٤ \ ٢٠٢١ سەردانی بەرێوەبەرایەتی گشتی حەج و عومرە بكەن بە مەبەستی تۆماركردنی ناوی كۆمپانیاكەیان و كرینی تەندەر .

ئاماژەبۆ ئەوەشكردووە، دوای تێپەربوونی بوونی ئەو وادەیە رێگە بە هیچ كۆمپانیا و كەسێك نادرێت بەدەرلە رێنماییە فەرمییەكان ریكلام لە میدیاكان و سوشیاڵ میدیادا بكەن، هەر كۆمپانیا و كەسێك ئەم كارە بكات ڕووبەرووی لێ پێچینەوەی یاسایی دەبێتەوەو گەشتی حەج و عومرە بە یەكجاری لێ قەدەغە دەكرێت .

 



هەلبژاردە

گرنگترینەکان