سەردێر

دەستگیركردنی ئەميرێكی گەورەی داعش ڕادەگەیەنرێت

خەڵك-
وتەبێژی فەرماندەی هێزە چەكدارەكانی عیراق، دەستگیركردنی سەركردەیەكی داعش لە ئۆپەراسیۆنێكی جۆریدا ڕادەگەیەنێت.

بەپێی بەیاننامەیەك كە لەلایەن لیوا یەحیا ڕەسوڵ وتەبێژی فەرماندەی هێزە چەكدارەكانەوە بڵاوكرایەوە”لەسەر ڕێنماییەكانی فەرماندەی گشتی هێزە چەكدارەكان و لەڕێی بەدواداچوونی بەردەوام و وردبینیكردن و كۆكردنەوەی زانیارییە وردەكان، دەزگای دژە تیرۆر توانی بەناو (ئەمیری ناوچەی دیجلە” كە تازە دەستنیشان كراوە لە دوای كوژرانی ئەمیرەكەی پێشوو لە ئۆپەراسیۆنی (عین الجحش)، دەستگیربكات”.

هەر لە بەیاننامەكەدا هاتووە”ئۆپەراسیۆنەكە لەڕێی بۆسەیەكی تۆكمەوە بوو كە پشتی بە هەوڵە هەواڵگرییەكان بەستبوو”.