سەردێر

قائیمقامی هەولێر، دۆخی كۆرۆنا هەستیارە

خەڵك
قائیمقامی هەولێر دەڵێت دۆخی كۆرۆنا هەستیارە و پێویستە بڕیارەكانی پەیوەست بەكۆرۆنا وەك خۆی جێبەجێ‌ بكرێت لەلایەن هاووڵاتیان و حكومەتیشەوە.

نەبەز عەبدولحەمید، قائیمقامی هەولێر بۆ دەنگی ئەمریكا دەڵێت، دۆخی كرۆنا هەستیارە پێویستە ئاگاداری خۆمان ودەوروبەرمان بین و پێویستە ڕێكارەكانی خۆپارێزی جێبەجێ بكرێت ئەو بڕیارانەی كەدراوە پێویستە جێبەجێ بكرێت وەكو خۆی چ لەلایەن هاوڵاتیانەوە چ لەلایەن لایەنە حكومییەكانەوە ئەگەر هەردوولا هاوكاربن بەدڵنیاییەوە ئێمە ناگەینە دۆخێكی مەترسیدار ناگەیەنە ئەو دۆخەی كەترسمان لێی هەیە هیوادارین هاووڵاتیانیش بەدەنگ بانگەواز و هۆشداریەكانی ئێمەوە بێن ئەو ڕێكارانەی پێویستە جێبەجێی بكەن بەتایبەت بەستنی ماسك و دروستنەكردنی قەرەباڵغی.

ئەوەشی وت” هەموو بڕیارێك كەدەدرێت دوای گوێگرتن لەڕاپۆرتی تەندروستیە، لایەنی تەندروستی واقیعەكە ڕووندەكاتەوە هەموو بڕیارەكانیش پەیوەستن بەواقیعی تەندروستی، ئەگەر بارودۆخەكە ئارام بێت ئەوا بەدڵنیاییەوە بڕیارەكان سوكترن بەڵام بارودۆخەكە چەند خراپ بێت ئەوەندە بڕیارەكان توندتر دەبێت بۆیە لەسەر كات و ساتی ئەوكات دەوەستێت لەوانەیە ئەو بڕیارانە دوو ڕۆژی تر سوك بكرێت و لەوانەشە گران بكرێت.

سەبارەت بە جێبەجێكردنی بڕیارەكان لە پارێزگای هەولێر نەبەز عەبدولحەمید دەڵێت، هەموو ڕێنماییەكان لەهەولێر جێبەجێكراوە، بەیانی ژمارە 52 كە لە 24-10-2020 دەرچوو باس لەسزادانی ئەو كەسانە دەكات كەسەرپێچی دەكەن و ماسك نابەستن ژیان و تەندروستی هاووڵاتیان دەخەنە مەترسیەوە پێویستە ڕێكارەكان بەرامبەریان بگیرێتەبەر و سزابدرێن بڕیارەكە هەتا ئێستاش جێبەجێ كراوە.