سەردێر

ڕێواز فایەق: دابین كردنی مووچە لە پەڕلەمان نییە

خەڵك-ئارام سەردار
ڕێواز فایەق، سەرۆكی پەڕلەمان لەكۆنفڕانسێكی ڕۆژنامەوانیدا ڕایگەیاند، پەڕلەمانی كوردستان پێشنیازە یاسایەكی زۆر گرنگی پەسەندكرد، كە ئەویش یاسای پاراستنی بەرهەمی خۆماڵیە، كە بەڕەنجی هاووڵاتیان و جوتیاران و كارگەكان بەرهەم دەهێنرێن.

سەرۆكی پەڕلەمان دەشڵێت: “جێگای داخە هەموو كات، كە بابەتێكی گرنگ لەپەڕلەمان كاری لەسەر دەكرێت، بابەتێكی لاوەكی دروست دەكرێت بۆ شاردنەوەی بابەتە گرنگەكە، ئەو پەڕلەمانتارەش خۆی پێشتر ئامادەكردوە بۆ ئەو كارە بەهیچ شێوەیەكیش پەڕلەمانتارەكە پێڵاوەكە نەگەیشتۆتە سەر ستەیجی لیژنەكانیش، ئەو ئارامیەی خوا بەئێمەی بەخشیوە نەبوایە ڕەنگە بەڕێوەبردنی ئەم خولەی پەڕلەمان زۆر قوڕس بوایە”.

ئەوەشی خستەڕوو، بابەتەكانی پەڕلەمان لەسەر بەنزین بووە، كەپەیوەندی بە ژیانی هاووڵاتیان هەیە لەگەڵ ئەوەش پاراستنی تۆڕەكانی ئاو، كەبابەتی گەرمی میدیاكانیشە، پرسی لێبڕینی مووچەش، كەبۆتە موزایەدە خەڵك دەزانن دابینكردنی مووچە لەپەڕلەمان نیە، چوار مانگیشە بوودجە لەئەنجوومەنی نوێنەران پەسەند نەكراوە، هۆكاری هەموو ئەوانە پەیوەندی بەكێشمەكێشی سیاسی هەیە، شەڕفرۆشتنی بەشێك لەئەندامانیش بەپەڕلەمان بۆ سۆشیال میدیایە، دەنا پەڕلەمانتار هەیە لەماوەی ئەم خولە یەك پڕۆژەشی پێشكەش نەكردوە، تەنها چەند دەقەیەك قسە دەكەن و دەچنە دەرەوە”.

سەرۆكی پەڕلەمان باسی لەوەشكرد، لەسەر ئێمە واجبە گوێ لەئەندامان بگرێ، من لەحەقی خۆشم خۆش دەبم ئەگەر پێڵاوەكەی لەمن گرتبێ، بەڵام پەڕلەمان خۆش نابێت بەگوێرەی بڕیاری پەڕلەمان دەبێ داوای لێبوردن بكات دەنا ناتوانێت بێتەوە ناو دانیشتنەكان”.

وتیشی، “ئەوەی پەڕلەمانتارەكەی یەكێتی قسەی كرد، ڕوانگەی یەكێتی و سەركردایەتی نیە و هەڵەی كردوە.