سەردێر

پارێزگای هەولێر كۆمەڵێك بڕیار دەدات

خەڵك-

ژووری ئۆپەراسیۆنی پارێزگای هەولێر ڕایدەگەیەنێت، دەوامكردن لە قۆناغی (1)ی بنەرەتی تا (11)ی ئامادەیی و پەیمانگاكانی وەزارەتی پەروەردە، حكومی و ناحكومی ڕادەگیرێت تا 2021.4.10 بۆ وانە خوێندن، ئەو قۆناغانە و پەیمانگاكان تەنها كە تاقیكردنەوەیان مابێت ئەنجامی دەدەن ، بە رێنمایی تەندروستیەوە.

ژووری ئۆپەراسیۆنی پارێزگای هەولێر لە ڕاگەیەنراوێكدا ئاماژە بۆ ئەوە دەكات، دەوامی فەرمانگەكانی حكومی لە ڕۆژانی یەك شەممە تا چوارشەممە بەردەوام دەبێت و لە ڕۆژانی پێنج شەممە دەوام ڕادەگیرێت.

پارێزگای هەولێر راشیگەیاندووە، هێزەكانی ناوخۆ (ئاسایش، پۆلیس، زێرەڤانی، پۆلیسی هاتوچۆ) ڕۆژانە لەدانانی مەفرەزە لەشوێنەكان بۆ چاودێریكردنی هاوڵاتییان و وەرگرتنی ڕێكاری توندی یاسایی بەرامبەر هەموو ئەوكەس و لایەنانەی ڕەچاووی جێبەجێكردنی ڕێنماییە تەندروستییەكان و ڕێكارەكانی خۆپارێزی بەتایبەتی بەستنی (دەمامك) نابن لە ئەركەكانیان بەردەوام دەبن و لە فەرمانگە و دامودەزگا حكومیەكانیش، بۆ چاودێریكردنی فەرمانبەرانی دامەزراوە و فەرمانگە و بەڕێوەبەرایەتییە حكومییەكانیش، لێژنە نهێنیەكان درێژە بە ئەركەكانی خۆیان دەدەن.

ئاماژە بەوەش دەكات، ژووری ئۆپەراسیۆنی پارێزگای هەولێر، پاڵپشت بە بڕیار و ڕاسپاردەكانی ڕاگەیەنراوی كۆبوونەوەی 2021.3.28 خۆی و كۆبوونەوەی لێژنەی باڵای ڕووبەڕووبوونەوەی كۆڕۆنا، پابەندی تەواوی سەرجەم بڕیار و ڕاسپاردەكانی بەیانی ژمارە(12)ی ساڵی 2021ی وەزارەتی ناوخۆی حكومەتی هەرێمی كوردستان دەبێت و ڕێكار و میكانیزمی پێویست بۆ جێبەجێكردن و دابەشكردنی ئەركەكان دەگرێتەبەر.

دەوامكردن لە قۆناغی (1)ی بنەرەتی تا (11)ی ئامادەیی و پەیمانگاكانی وەزارەتی پەروەردە، حكومی و ناحكومی ڕادەگیرێت تا 2021.4.10 بۆ وانە خوێندن، ئەو قۆناغانە و پەیمانگاكان تەنها كە تاقیكردنەوەیان مابێت ئەنجامی دەدەن ، بە رێنمایی تەندروستیەوە .

قۆناغی (12)ی ئامادەیی لە حكومی – ناحكومی بەردەوام دەبن لە وانە خوێندن و تاقیكردنەوەكانیان بە رێنمایی تەندروستیەوە.

سەبارەت بە زانكو و پەیمانگاكانی سەر بە وەزارەتی خوێندنی باڵا و توێژینەوەی زانستی: سەرجەم پرۆگرامی خوێندن كە ماوە بە شێوازی ئۆنلاین بەردەوام دەبن و وانە پراكتیكیەكان لەناو كەمپەسی زانكۆكاندا، بەرێكاری تەندروستییەوە بەردەوام دەبن.

كۆبوونەوە وەزارەتی ئەوقاف و كاروباری ئایینی راسپارد بە هەماهەنگی لەگەل لایەنە پەیوەندیدارەكان سەبارەت بە مزگەوت و كلێسا و پەرستگاكان و تەواوی ناوەندە ئایینیەكان بڕیاری پێویست دەربكات.

ڕاگرتنی ئاهەنگ و بۆنەی كومەڵایەتی و ئایینی و هەر بۆنەیەكی تر.

بەردەوام بوونی قەدەغەكردنی چوونە سەرقەبران و دانانی پرسە لە مزگەوت و لە ماڵان و هەڵدانی خێمە لە كۆڵان و باخچەكان بەردەوام دەبێت و بنكەی پۆلیس و موختاری گەرەك بەرپرسیارن، و هەر كەسێك پابەند نەبێت بە بڕی (2،000,000) دوو ملیون دینار پێبژاردن پێ دەدرێت.

هۆڵی سینەماكان لە گشت مۆڵ و بازاڕەكان دادەخرێن بە بەردەوامی لە تەواوی شار و شارۆچكەكان لە هەرێم.

داخستنی تەواوی هۆڵەكانی وەرزشییەكان و لەشجوانی و مەلەوانگەكان و هۆڵی بۆنە و ئاهەنگەكان.

قەدەغەكردنی پێشكەشكردنی خزمەت گوزاری نێرگەلەكێشان لە تەواوی كافی و رێستورانت و یانەكان و گشت ئەو شوێنانە لە كاتژمێر (9)ی شەو تا (6)ی بەیانی دادەخرێن و هەر كەسێك پابەند نەبێت بۆ ماوەی (1) یەك هەفتە دادەخرێت و بە بڕی (5,000,000) پێنج ملیون دینار پێبژاردنی پێ دەدرێت.

ئەو شوێنانەی بڕگەی (8)ی سەرەوە پێویستە لە كاتی رێگەپێدراو لە (6)ی بەیانی تا (9)ی شەو خزمەتگوزارییەكانیان لە دەرەوە و باخچەكانیان پێشكەش بكەن و پێویستە مەودای نێوان دوو مێز لە (2) دوو مەتر كەمتر نەبێت و ئەوانەی باخچەیان نیە و خزمەت گوزارییەكانیان لە شوێنی داخراو پێشكەش دەكەن پێویستە بە هەمان شێوە مەودای نیوان دوو مێز لە (2) دوو مەتر كەمتر نەبێت و تەواوی دەرگا و پەنجەرەكان كراوە بێت و سیستەمی كێشانی هەوا كار بكات بە پێچەوانەوە سزاكانی بڕگەی (8)ی سەرەوە بەسەردا جێبەجێ دەكرێت.

داخستنی بازار و مۆڵەكان و شوێنە گشتیەكان لە كاتژمێر (9)ی شەو تا (6)ی بەیانی و هەر شوێنێك پابەند نەبێت بۆ ماوەی(1) یەك هەفتە دادەخرێت و بە بڕی (4,000,000)چوار ملیون دینار پێبژاردنیان پێ دەدرێت.

هەموو شوێنە گشتیەكان وەكو (ماركێت، ڕیستورانت و شوێنە بازرگانیەكان،…هتد) نابێت ڕێگە بدەن بە چوونەژوورەوەی هاوڵاتییان بۆ شوێنەكانیان بە بێ بەستنی ماسك، بە پێچەوانەوە ئەو شوێنە دادەخرێت بۆ ماوەی (10)رۆژ و خاوەنەكەی بڕی(1,000,000)یەك ملیون دینار پێبژاردن دەدات.

هەر كەسێك ڕەچاوی بەستنی ماسك نەكات بە پێی رێكارەكانی ئەم بەیانە بە
بری (20,000)بیست هەزار دینار پێبژاردن دەدات.

شۆفێری ئۆتۆمبێلەكان بە هەموو جورەكانیەوە (تایبەت ، بارهەڵگر ، كرێ) لە كاتی هەبوونی سەرنشین لە گەلیاندا پێویستە شوفێر و سەرنشین پابەندبن بە بەستنی ماسك، بە پێچەوانەوە بەبڕی (20,000) بیست هەزار دینار بۆ هەر سەرنشینێك شوفێر وەك پێبژاردن دەدات.

دەوامی فەرمانگەكانی حكومی لە رۆژانی یەكشەممە تا چوارشەممە بەردەوام دەبێت و لە رۆژانی پێنج شەممە دەوام ڕادەگیرێت.

بەهێزكردن و بەردەوامی دان بە هەڵمەتی هوشیاری تەندروستی بە تایبەتی لە كەناڵەكانی ڕاگەیاندن بە هەموو جورەكانیەوە بە پێی یاسای رێكخستنی ریكلامی بازرگانی لە هەرێمی كوردستان ژمارە (4)ی ساڵی 2019 و بەشداربوونی هەموو لایەنە پەیوەندیدارەكان لە دەزگای حكومی و كەرتی تایبەت و گشت چین و توێژەكان بە تایبەتی بەرپرسانی حكومی و حزبی و كەسایەتی كومەڵایەتی لە هەڵمەتی پابەندبوون بە رێكارە تەندروستیەكان.

ڕاگرتنی هاتووچۆ لە نێوان هەرێمی كوردستان و پارێزگاكانی عێراق لە ڕۆژانی پێنج شەممە و هەینی و شەممە.