سەردێر

سلێمانی، كەسێك بە تۆمەتی تەقەكردن لە ئۆتۆمێلی هاووڵاتییەك دەستگیركرا

خەڵك-
پۆلیسی سلێمانی دەستگیركردنی كەسێك ڕادەگەیەنێت كە تەقەی لە ئۆتۆمبێلی هاوڵاتییەك كردووە.

بەپێی ڕاگەیەندراوێك كە لەلایەن بەڕێوبەرایەتی پۆلیسی پارێزگای سلێمانیەوە بڵاوكرایەوە”چەند ڕۆژێك لەمەوبەر لەسەر كێشەی هۆڕن لێدان، تۆمەتبارێك تەقەی لە ئۆتۆمبێلی هاوڵاتییەك كرد و هەڵات”.

هەر لە ڕاگەیەندراوەكەدا هاتووە”مەفرەزەكانی بنكەی پۆلیسی ئیبراهیم ئەحمەد لێكۆڵینەوەكانی دەستپێكرد و دوای گەڕان و بەدواداچوون توانرا تۆمەتبار بدۆزرێتەوە و دەستگیربكرێت و دەستیشگیرا بەسەر ئەو چەكەی تەقەی پێكردبوو لەگەڵ ئۆتۆمبێلەكەیدا”.

پۆلیسی سلێمانی دەڵێت”تۆمەتبار (د.خ.ح.) لەدایكبوی 1996 بە بڕیاری دادوەر ڕاگیراوە و لێكۆڵینەوە لەگەڵیدا بەردەوامە”.