سەردێر

هەولێر، لەبەردەم دەستەی وەبەرهێنان گردبوونەوە ئەنجامدرا

 

خەڵك-ئارام سەردار
خاوەن مافەكانی پڕۆژەی نیشتەجێبوونی وەرین ستی لەهەولێر لەبەردەم دەستەی وەبەرهێنان گردبوونەوە و داوای مافی خۆیان دەكەن.

حاجی نازم، یەكێك لەخاوەن مافەكانی وەرین ستی بە(خەڵك)ی ڕاگەیاند، دوای تێپەڕبوونی زیاتر لە ساڵێك بەداخەوە كۆمپانیای شانتی كێشەكانی بۆ چارەسەر نەكردوین، 3 خانووم كڕیوە كەچی سەڕەڕای پێدانی پێشەكی و ٢٠ قیست كەچی خانوێكیان بەكەسێكی تر فرۆشتۆتەوە، سەرجەم شوێنەكانی سەوزایش كراون بەباڵەخانە.

دەشڵێت، داواكارین دەست بەجێ كاركردن و فرۆشتنی ئەو ٢٠٠ ڤێلاو خانووە ڕابگیرێت كە وەك ئیمتیاز لەپڕۆژەكە زیادكراون، گۆڕینی گرێبەستەكە بەناوی كۆمپانیای ئێستا بەبێ گۆڕینی ناوەڕۆكەكەی.

ئەوەشی خستەڕوو، داوا دەكەین كۆمپانیاكە ناچاربكرێت بەقەرەبووكروونەوەی ئەو كەسانەی دووبارە یەكەكانیان فرۆشراوە.