سەردێر

ئیسرائیل نەوتی ڕۆژئاوای كوردستان دەكڕێت

خەڵك-

ڕۆژنامەیەكی عیبری ئاشكرایدەكات، ئیسرائیل بە نرخێكی هەرزان نەوتی لە كوردەكانی ڕۆژئاوای كوردستان كڕیوە.

ڕۆژنامەی عیبری “یەدیعوت ئاحراونوت” بڵاویكردەوە، ئیسرائیل نەوتی لە ناوچەكانی ژێر كۆنتڕۆڵی كوردەكانی ڕۆژاوای كوردستانی هاوپەیمانی ئەمریكا بە نرخێكی هەرزان كڕیوە.

ڕۆژنامەكە ئاماژە بۆ ئەوە دەكات، هێزە كوردییەكان بە هاوكاری كەمتر لە هەزار سەربازی ئەمریكایی، یەك لەسەر چواری خاكی سوریایان گرتووە و توانیوانە سەرچاوە ئەمنییەكانی ئیسرائیلیش بپارێزن.
ئەو میدیا ئیسرائیلییە ئاشكرایكردووە، ئیسرائیل توانیویەتی نەوتی ژێر دەستی كوردەكان بە نرخێكی هەزران بكڕێت كە پێشتر لەژێر دەسەڵاتی حكومەتی سوریادا بوو، ئێستاش كوردەكان وەكو سەرچاوەیەكی داهاتی خۆیان سوودی لێوەردەگرن.
ئەوەش ڕووندەكاتەوە، كە ئیسرائیل هەلێكی زۆر باشی بۆ هاتە پێش كە لەكاتی كێشە نێوخۆییەكان حكومەتی سووریا لەناوبەرێت، بەڵام ئێستا ئەو هەلەی لەدەستداوە، ئەمەش لەكاتێكدایە وڵاتانی ئەوروپایی و ئیسرائیل هەوڵێكی زۆریان دا بۆ كۆتایهێنان بە حكومەتی سوریا بەڵام سەركەوتوو نەبوون.
ئەمەش لەكاتێكدایە، حكومەتی سوریا ئاشكرایكردووە، بوونی هێزەكانی ئەمریكا و هاوپەیمانەكانی لە ناوچەكە جگە لە دەرهێنانی نەوت هیچ ئامانجێكیتریان نییە و پێویستە كۆتایی بەو كارەیان بهێنرێت.