سەردێر

پارەی گەنمی چەند ساڵێك بەسەر جوتیاراندا دابەش دەكرێت

خەڵك-
بەڕێوبەرایەتی سایلۆی سلێمانی داوا لەو جوتیارانە دەكات، كە گەنمیان ڕادەستی سایلۆكە كردووە لە ڕۆژی دوو شەممەوە سەردانیان بكەن و دەشڵێت: “ئەوانەی ساڵانی ڕابردوو گەنمیان ڕادەست كردووە دەبێت وەكالەتەكانیان نوێ‌ بكەنەوە”.

بەڕێوبەرایەتی سایلۆی سلێمانی لە ڕاگەیەنراوێكدا ئاماژەی بەوەكردووە، ئەوانەی ساڵی 2020 گەنمیان ڕادەستی سایلۆ كردووە ڕۆژی دوو شەممە سەردانی ژمێریاری بكەن بۆ چەكی پارە و ئەوانەشی ساڵانی (2014 و 2015 و 2016) گەنمیان ڕادەستكردووە دەبێت وەكالەتەكانیان نوێ‌ بكەنەوە و هەروەها ئەوانەی مردوون دەبێت یەكێك لە وەرەسەكان وەكالەتیان بەپێی قەسامی قانونی هەبێت.

دەقیی ڕاگەیەنراوەكە
١- ئەو جوتیارانەی كە ڕۆژی ٣٠/ ٦/ ٢٠٢٠ گەنمیان ڕادەستی سایلۆی سلێمانی كردوە، ڕۆژی دوو شەمە بەرواری ٢٩/ ٣/ ٢٠٢١ تا مستندی ژمارە بگاقەی (٩٥٨)، سەردانی هۆبەی ژمێریاری بەڕێوەبەرایەتیەكەمان بكەن بە مەبەستی وەرگرتنی چەكی پارەكانیان و بەهۆی سەرقاڵی بانكەكان بە دابەشكردنی مووچەی فەرمانبەران داواكارین ڕۆژی یەك شەممە بەرواری ٢٨/ ٣/ ٢٠٢١ سەردانمان نەكەن بۆ وەرگرتنی چەك، چونكە چەك دابەش ناكرێ .
٢- ئەو جوتیارانەی لە ساڵەكانی ٢٠١٤ / ٢٠١٥ / ٢٠١٦ گەنمیان ڕادەستی سایلۆكان كردوە، وەكالەتیان بۆ كراوەتەوە و وەكالەتەكانیان تازەبكەنەوە بۆ ساڵی ٢٠٢١، وە ئەو كەسانەی كە كۆچی دواییان كردوە لەڕێگەی دادگاكانەوە قەسام قانونی دەربێنن و وەكالەت بۆ یەكێك لە وەرەسەكانیان بكەنەوە بەمەبەستی وەرگرتنی چەكی پارەی ئەو شایستە داراییانەی، كە بۆیان دیاری كراوە.
بەڕێوبەرایەتی سایلۆی سلێمانی