سەردێر

پارێزگاری هەولێر: ناچارمان مەكەن بڕیاری قورس بدەین

 

خەڵك-ئارام سەردار

دوای تەواوبوونی پشووەكانی جەژنی نەورۆز و ئادار، لەلایەن پاریزگاری هەولێر هەڵمەتی پاككردنەوەی زبڵ و خاشاكی گەشتیار و سەیرانكەران لە سەیرانگای دڵۆپە و نزیك مۆنۆمێنتی شەهیدان لە ڕۆژهەڵاتی شاری هەولێر دەستی پێكرد، كەتێیدا سەرجەم شارەوانیەكان بەشدارن.

ئومێد خۆشناو، پارێزگاری هەولێر لەكۆنفڕانسێكی ڕۆژنامەوانیدا ڕایگەیاند، ئەو هەڵمەتەی ئەنجامی دەدەن تاوەكو كۆتایی پاككردنەوەی ئەو شوێنانە بەردەوام دەبێت، داوا لە هاووڵاتیان دەكەین چۆن ئامادەكاری دەكەن بۆ گەشت و سەیران ئاواش شوێنەكان كە هەڵبژاردەی خۆیانە بەپاكی جێی بهێڵن و پاكی بكەنەوە.

دەشڵێت: “پاراستنی ناوچە گەشتیاریەكان و سروشتی ژینگەی كوردستان ئەركی هەموو لایەكە و پێویسته هەمووان بیپارێزن”.

پارێزگاری هەولێر وتیشی، “هاووڵاتیان و گەشتیاران پابەندی ڕێنماییەكان بن، چونكە حەز ناكەن كەس سزا بدەن، بەڵام ئەگەر بەم شێوەیە بەردەوام بن ئەوا ناچار دەبن ڕێكاری تر بگرنەبەر و سزای ئەو كەسانە بدەن ژینگە و ناوچە گەشتیارییەكان پیس دەكەن”.

No description available.No description available.