سەردێر

بەفر و باران لە چەند ناوچەیەكی هەرێم دەبارێت

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ شەممە ئاسمان لەنێوان هەوری تەواو و نیمچە هەور دەبێت لەكاتەكانی بەیانیاندا، ئەگەری بارینی نمە باران لە هەندێ ناوچەی شاخاوی هەیە، هەروەها بەفرێكی كەم لە ناوچە شاخاوییەكان.

هەر بەپێی پێشبینییەكان، سبەینێ یەك شەممە ئاسمان نیمچە هەور دەبێت.

بەپێی زانیارییەكانیش كەشناسی، لە 24 كاتژمێری ڕابردوودا زۆرترین باران لە ناوچەی مێرگەسۆر لە پارێزگای هەولێر بە بڕی 13.6 ملم باران باریوە.