سەردێر

دڵشاد گەرمیانی: گۆڕینی ناوی كۆمەڵ هەڵەیەكی گەورەی ستراتیژییە

خەڵك
دڵشاد گەرمیانی كەسایەتی ئیسلامی و یەكێك لە دامەزرێنەرانی كۆمەڵی ئیسلامی كوردستان ڕایدەگەیەنێت:”ئێمە لەگەڵ گۆڕینی ناوی كۆمەڵ و؟ لادانی پاشگری ئیسلامی و !! سڕینەوەی(لا ٳلە إلا اللە)ی سەر ئاڵاكەمان و !! بەرزكردنەوەی دروشمی كرانەوە نەبووین و !! بەهەڵەیەكی ستراتیژی گەورەی دەبینین!!!”.

دەقی نووسینەكەی دڵشاد گەرمیان:

وەڵامێك بۆ هەموو ئەو بەڕێزو خۆشەویستانەی لەڕای ئێمە دەپرسن ، سەبارەت بەگۆڕینی ناونیشانی خۆمان و بەرزكردنەوەی دروشمی كرانەوە؟؟ سەرەتا بەلوتف و كەرەمی خودای گەورە بەهەموو توانای خۆمان هەوڵماندا، نیگەرانیەكانی دوای كۆنگرەی چوار كۆنترۆڵ بكەین و ، ڕێگری لەهەر كێشەیەك بكەین برایەتی و یەكڕیزی كۆمەڵ بخاتە مەترسیەوە ، سوپاس بۆ خودای گەورە و پاشان بەهەوڵی دڵسۆزان و هیمەتی جەنابی م عەلی باپیرو هەستی بەرپرسیاریەتی ئەو برایانەی كەمەترسی ونیگەرانیان هەبوو كێشەكان چارەسەر كران.

بەڕێزان:ئێمە لەگەڵ گۆڕینی ناوی كۆمەڵ و؟ لادانی پاشگری ئیسلامی و !! سڕینەوەی(لا ٳلە إلا اللە)ی سەر ئاڵاكەمان و !! بەرزكردنەوەی دروشمی كرانەوە نەبووین و !! بەهەڵەیەكی ستراتیژی گەورەی دەبینین!!!

هۆكارو پاساوەكەشی بەناواقعی و لاوازو نادروست دەزانین؟؟؟

هەموو ئەو قسەو باسەش كەئەم بڕیارەی لەسەر بنیاد نراوە، گوایە پاشگرە ئیسلامیەكە بووەتە بەربەست ، ئەگەرنا وا گەورە دەبین و ،خەڵكانێكی(…) لەئاستی باڵا دێنە ناومان و ، حەوت كورسی تر زیاد دەكەین و ، دەبین بەحزبێكی جەماوەری و ، زیاتر فراوان دەبین و زۆر خەیاڵاتی تر ، كەئێمە وێڕای ئەوەی هیچی بەواقعی نازانین و !!! ئەگەر واش بێ ئەو جۆرە فراوان بوونە مایەی دڵخۆشیمان نین و، هاتنە ناوەوەی خەڵكانێك بۆ ئێمە جێگای دڵخۆشین، كەلەدەوری بیروباوەڕەكەمان كۆببنەوە!!! نەك دژایەتی كردنی لایەنێك و بەرگری كردن لەپرسێك خەڵكمان لەدەور كۆكاتەوەو، بەنزیك بونەوەمان لەو لایەنەو چارەسەر كردنی ئەو پرسە ئەو خەڵكانە بەجێمان بێڵن!! ئەنجامی هەڵبژاردنەكانی داهاتووش چ لەعێراق بێ یان كوردستان ئەو ڕاستیە دەسەلمێنێ، ئێمە لەوەهم و خیاڵدا دەژین یان ئەوانەی بەتەمای سەرابی عەلمانیەكان براكانی خۆیان لەدەس دەدەن و ئاستی متمانەی خەڵكە دیندارەكەی خۆیان دێننە خوار!!!

بەڕێزان لەكاتێكدا خودای گەورە بەڕون و ڕەوانی پێمان بفەرموێت جولەكەو گاورەكان هەرگیز لێتان ڕازی نابن هەتا شوێنی دین و بەرنامەكەیان نەكەون: (ۆڵن تَرْچَیٰ عَنكَ الْێهُودُ ۆڵا النَّصَارَیٰ حَتَّیٰ تَتَّبِعَ مِلَّتَهُمْ ۗ ) چۆن دەبێت ئێمە بەقسەی كۆمیسۆن(لا إله إلا الله) لەئاڵاكەمان دەربێنین؟ و ناوی ئەمیرشیان بەدڵ نەبێ !!سەرۆكی لەجێ دانێین !؟ و ئەمریكی و ئەوروپیەكانیش قەڵس بن بەناوی ئیسلامی بڵێین، مەترسیە لەسەر داهاتومان و ناسنامە ئیسلامیەكەش لەخۆمان داماڵین؟؟ و نەختێ وشك و داخراویشین!! دەبێ زیاتر بكرێینەوە؟و تێكەڵاوی و بەشداری پێ كردنی ئافرەتان زیاتر بكەین!!!

لەمانەش سەیرتر خەڵكانێكمان دڵخۆش و سەرسامن بەگۆڕانكاریەكان و بەبڕیارێكی بوێرانەی لەقەڵەم دەدەن!!!

بڕیاری بوێرانە بریتی نیە لەجوڵە بەئاراستەی هەواو ئارەزوەكانی خەڵك و لێڵ كردن و ونكردنی ئامانج !!!

بڕیاری بوێرانە بەرز ڕاگرتنی بیروباوەڕو شەریعەتەكەمانە، لەگەڵ ڕاوەستان و ڕوبەڕوو بونەوەی هەموو نەخشەو پیلان و بیروباوەڕێكی دژ بە(ئیسلام) ، نەك لاسایی كردنەوەی عەلمانی و دیموكراسی خوازەكان و خۆبەكەم زانین لەئاستیاندا!!

بڕیاری بوێرانە پاككردنەوەی ڕیزەكانی خۆمان و دام ودەزگاكانمانە لەدەستی ئەملاولاو دەوروبەر ، بۆئەوەی بڕیاری دۆستایەتی و دوژمنایەتی هەر (كەس و لایەن و وڵاتێك) سەركردایەتی و مەكتەبی سیاسی بیدات، نەك ‌ئەو دەستانە لەڕێگەی ڕاگەیاندن و فەیس بوكەوە پەلكێشمان كەنە ناو شەڕی لابەلاو ستراتیژمان بشێوێنن!!
بەهەرحاڵ ئەم ناوگۆڕین و بەرزكردنەوەی دورشمی كرانەوەیە ، خەونی خەڵكانێكی تر بوو ، بەداخەوە بەبەڕێز م .علی باپیر هێنرایەدی و !! ئەو كرانەوەیەی بەڕێزیان باسی دەكەن ، زۆر جیاوازە لەو كرانەوەی خەڵكانی تر تامەزرۆیین، لەداهاتوشدا جیاوازیەكان ڕوونتر دەبینرێن..

لەكۆتاییدا دەپرسم :ئێمە بۆچی و بەچ نیەتێكەوە دەسمان بەكاری ئیسلامی كردو دواتر كۆمەڵمان دورست كردو هەموو تەمەن و خۆشی خۆمان و ماڵ و منداڵمان كردە قوربانی و ئامادەبوین لەپێناویدا سەد جار بمرین ؟؟؟

بۆ ئەوە بوو ؟؟؟خودا لەخۆمان ڕازی كەین و ، بەخوێنی خۆمان پاسەوانی پاراستنی دین و شەریعەتەكەی بین ؟

یان ئامانجمان ئەوە بوو ؟ كاری سەرەكیمان ببێتە هەڵبژاردن و كۆكردنەوەی دەنگ؟؟؟ و هەرچوار ساڵ جارێك هەموو خەڵكە هەژارو ماندووەكەی خۆمان بكەینە خزمەتكارو سواڵكەری كۆكردنەوەی دەنگ و پەیژەی دەست خستنی كۆمەڵە پۆستێكی حكومی و پەرلەمانی بۆ خەڵكانێك كەزۆربەیان شەڕو هەڵپەیان بێت لەسەری بۆ گەشتن بە دونیای خۆیان!!بەبێ ئەوەی هێچ سودو بەرهەمێكی بەرچاوی نەبۆ دین نەبۆ دونیای خەڵكە هەژارەكەمان هەبێت ، لەو پێناوەشدا پەرۆشی خەڵكانێكمان بۆسەركەوتن لەهەڵبژاردنەكان بگاتە ئاستێك بەچواردەوری حەرام كراوەكانی خودای گەورەدا كەبەدەقەكانی قورئان سونەت ساڵەهای ساڵە بەمەحكەمی قوفڵ كراون بگەڕێین و، هەوڵی شكاندنی سنوری قەدەغەكراوەكان بەحەڵاڵ كردنی هەندێ لەحەرام كراوەكان بەناوی كرانەوەوە بدەین و!!!دواڕۆژی خەڵكەكەشمان بۆ دونیای خۆمان بخەینە مەترسیەوە.