سەردێر

ئەردۆغان بووەوە بە سەرۆك

خەڵك-
لە كۆنگرەی حەوتەمی پارتەكەیدا، ڕەجەب تەیب ئەردۆغان سەرۆكی توركیا، بە سەرۆكێكی “بێ‌ ڕكابەر” بۆ پارتی داد و گەشەپێدان (ئاكەپە) هەڵبژێردرایەوە كە بۆچەندان خوولە حوكمڕانی وڵاتەكە دەكات.

بەپێی ئاژانسی (ئەنادۆڵ)ی توركیا، لە كۆنگرەی حەوتەمی پارتەكەی، 1428 نوێنەر لە كۆنگرێسی توركیا، بە كۆی دەنگ دەنگیان بۆ ئەردۆغان داوە.

ئەنقەرەی پایتەختی توركیا، كارەكانی كۆنگرەی حەوتەمی پارتی داد و گەشەپێدان (ئاكەپە)ی فەرمانڕەوای بەخۆوە بینی، لە كۆنگرەكەشدا سەرۆكی وڵات و پارتەكە و كادرانی پارتەكە و میوانان لە پارتە سیاسییەكانى تر بەشدارییان كرد، دروشمی كۆنگرەی ئەم جارەی (ئاكەپە)ش لەژێر ناویشانی “متمانە و سەقامگیری لەپێناو توركیا”دا بوو.