سەردێر

كاتی دەستپێكردنەوەی دەوامی زانكۆ و پەیمانگەكان دیاریكرا

خەڵك-

وەزارەتی خوێندنی باڵا و توێژینەوەی زانستی ڕایگەیاند، پڕۆسەی خوێندن لە زانكۆ و پەیمانگەكان لە هەرێمی كوردستان (حكومی – تایبەت) لەسەرەتای هەفتەی داهاتوو بە پابەندبون بە ساڵنامەی زانكۆیی دەستپێدەكاتەوە.

عەباس ئەكرەم، وتەبێژی وەزارەتی خوێندنی باڵا و توێژینەوەی زانستی ڕایگەیاند، ڕۆژی شەمەی داهاتوو كە دەكاتە (27/3/2021) پڕۆسەی خوێندن لە زانكۆ و پەیمانگەكانی هەرێمی كوردستان دەسپێدەكاتەوە، بەشێوەیەك زانكۆكان پابەند دەبن بە ساڵنامەی زانكۆی-یان، كە لە سەرەتای ساڵی خوێندنی ئەكادیمی داڕێژراوە.

ڕاشیگەیاند، بۆ پاراستنی پڕۆسەی خوێندن، وەزارەتی خوێندنی باڵا و توێژینەوەی زانستی بەهۆی بڵاوبونەوەی پەتای جیهانی كۆڤید-١٩ بڕیاری پەیڕەوكردنی سیستمی خوێندنی ئاوێتەی داوە وەك پێویستیەكی سەردەم و هاوشێوەی زۆربەی زانكۆ بەناوبانگەكانی جیهان، ئەم سیستمە سەركەوتنی بەرچاوی لە ناوەندەكانی خوێندنی زانكۆ و پەیمانگەكان بەدەستهێناوە.

جەختیشی كردەوە، لەگەڵ دەستپێكردنەوەی پڕۆسەی خوێندن لەسەرەتای هەفتەی داهاتوو بە پابەند بون بە ڕێنماییە تەندروستیەكان پڕۆسەی خوێندن بە سیستمی ئاوێتە بەردەوام دەبێت.