سەردێر

بەرپرسێكی تەندروستی بە كۆرۆنا گیانی لەدەستدا

خەڵك-

وەزیری تەندروستی حكومەتی هەرێمی كوردستان گیانلەدەستدانی بەڕێوەبەرێكی تەندروستی ڕاگەیاند.
سامان حسین بەرزنجی وەزیری تەندروستی حكومەتی هەرێمی كوردستان لە پرسەنامەیەكدا ئاماژە بۆ ئەوە دەكات، بە خەم و پەژارەیەكی زۆرەوە بەناوی خۆمان و وەزارەتی تەندروستی پرسە و سەرەخۆشی ئاڕاستەی بنەماڵەی خوالێخۆشبوو (ڕەقیب خالید) بەڕێوەبەری مەڵبەندی تەندروستی (شەهید د.هەندرێن) دەكەین لە قەزای كۆیە، كە بەداخەوە بە نەخۆشی ڤایرۆسی كۆڕۆنا كۆچی دوایی كرد.

ئاشكراشیدەكات، خوالێخۆشبوو كارمەندێكی تەندروستی دڵسۆز بوو، لە لیژنەی پزیشكی هەمیشەیی و لەماوەی ئەركەكانیدا زۆر بەڕێكوپێكی كارەكانی لەپێناو خزمەتی هاووڵاتیان ئەنجام دەدا.