سەردێر

39 هەزار گەشتیار چوونەتە هەولێر

 

خەڵك-ئارام سەردار

لەماوەی دوو ڕۆژی جەژنی نەورۆز، ٣٩ هەزار گەشتیار ڕوویان لەپارێزگای هەولێر كردوە.

نەریمان گەردی، وتەبێژی گەشتوگوزاری هەولێر بە(خەڵك)ی ڕاگەیاند، تاوەكو ئێوارەی دوێنێ واتە تاوەكو دووەم ڕۆژی جەژنی نەورۆز، ٣٩ هەزار گەشتیار ڕوویان لەپارێزگای هەولێر كردوە.

دەشڵێت، ئەوان لەڕێگای چەندین تیم و هەڵواسینی پۆستەر و بڕوشەر هەوڵیان داوە گەشتیاران لەبارەی پاكڕاگرتنی ژینگە هۆشیار بكەنەوە.

بەهۆی بڵاوبوونەوەی كۆرۆنا ئەمساڵ بەشێوەیەكی سنوردار وڕێكاری تەندروستی ڕێگا بەهاتنی گەشتیاران دراوە بۆ پارێزگاكانی هەرێم، ئەمەش كاریگەری لەسەر كەرتی گەشتیاری هەبووە.