سەردێر

پیاوێكی تەمەن 49 ساڵ خنكا

خەڵك
شەوی ڕابردوو پیاوێكی تەمەن ٤٩ ساڵ لەحەوزێكی ماڵاندا لە قەزای چەمچەماڵ، ‌سنوری تەكیەی كاكەمەند خنكا.

بەڕێوەبەرایەتی گشتی تەندروستی قەزای چەمچەماڵ لە ڕاگەیەندراوێكدا بڵاویكردەوە” شەوی رابردوو تەرمی كەسێكی تەمەن ٤٩ ساڵ گەیەندرایە نەخۆشخانەی شەهید پێشڕەو لە قەزاكە، كە بەوتەی كەسوكارەكەی بەهۆی ئاوەوە خنكاوە”.

ئاماژە بەوەشكراوە، ئەو هاووڵاتیە لە گوندی (لەكاوە)ی تەكیەی كاكەمەند، كەوتۆتە‌ ناو حەوزێكی بچوكی ماڵانەوە و گیانی لەدەستداوە، خانەوادەكەشی سكاڵای یاساییان لەسەر هیچ كەس تۆمار نەكردووە و دوای چەند رێكارێكی تایبەت، تەرمەكەی ڕادەستی خانەوادەكەی كرایەوە.