سەردێر

توركیا، سزای زیندانی بۆ دەمیرتاش دەركرا

خەڵك-
دادگای ئیستەنبوڵ بڕیاری زیندانیكردنی بۆ سەڵاحەدین دەمیرتاش هاوسەرۆكی پێشووی (هەدەپە) دەركرد.

بەپێی ڕۆژنامەی حورییەتی توركی”بڕیارەكەی دادگا لەسەر دۆسیەیەك بووە كە پەیوەندی بە تۆمەتی سوكایەتیكردنە بە رەجەب تەیب ئەردۆغان”.

بە گوێرەی هەواڵ، دەمیرتاش كە لەدادگا ئامادەبووە ڕایگەیاندووە” من دوو جار خۆم بۆ سەرۆكایەتی كاندیدكردووە و ساڵانێكیشە سەرقاڵی كاری سیاسیم، ڕەخنەم لە حكومەت گرتووە، بەڵام سەرۆك و سەرۆك وەزیرانم بەشێوەی ڕاستەوخۆ بەئامانج نەگرتووە”.

سەڵاحەدین دەمیرتاش هاوسەرۆكی پێشووی (هەدەپە) لە 4ی تشرینی دووەمی 2016وە دەستگیركراوە و زیاتر لە 4 ساڵیشە لە گرتووخانەی ئەدیرنەیە.