سەردێر

لەیەكەم ڕۆژی نەورۆز 4 كەس گیانیان لەدەستدا

خەڵك
لە یەكەم ڕۆژی نەورۆز لە پارێزگای هەولێر 14 كەس بەڕووداوی هاتووچۆ بریندار بوون و 4 كەسیش گیانیان لە دەستدا و وتەبێژی هاتووچۆش پابەند نەبوونی شۆفێران بۆ ڕێنماییەكانی هاتووچۆ بە هۆكار دەزانێت.

فازیل حاجی وتەبێژی هاتووچۆی هەولێر، بە (خەڵك) ی ڕاگەیاند، لەیەكەم ڕۆژی نەورۆز 5 ڕووداوی هاتووچۆ ڕوویداوەو 14 كەس كەس برینداربوون و 4 كەسیش گیانیان لەدەستداوە.

وتیشی، هەمیشە یەكێك لە هۆكارە سەرەكییەكانی ڕووداوەكانی هاتووچۆ تیژڕۆیی و پابەند نەبوونی شۆفێرانە بە یاسا و ڕێنماییەكانی هاتووچۆ.

ئاماژەی بەوەشكرد، سەختترینی ئەو ڕووداوانە لە شەقڵاوە ڕوویدا كە تێیدا 2 كەس گیانیان لە دەستداو 6 كەسی دیكەش بریندار بوون و هۆكاری ڕووداوەكەش تێپەڕاتدنی هەڵەبووە بە خێراییەكی زۆر.
وتەبێژی هاتووچۆی هەولێر دەڵێت” داوا لە شۆفێران دەكەم لە پێناوی سەلامەتی گیانی خۆیان و ئازیزانیان پابەندی یاساو ڕێنماییەكانی هاتووچۆبن.”