سەردێر

“خوارووی عێراق زبڵخانەیە و هەولێر و سلێمانی خەریكە دەبن بە ئەوروپا”

خەڵك-
سەركردەیەكی ڕەوتی حیكمەی نیشتیمانی ڕایدەگەیەنێت، كاتێك خەڵكی خوارووی عێراق سەردانی هەولێر و سلێمانی دەكەن، دەبینن ئەو دوو پارێزگایە وەكو ئەوروپای لێهاتووە، كەچی پارێزگاكانی خۆیان لە سەردەمی حوكمڕانی سەدام حسێن خراپترە، دۆخەكەیان پێ قەبوڵ ناكرێت.

نەجات حسێن سەركردەیەكی ڕەوتی حیكمەی نیشتیمانی بە دەنگی ئەمریكای ڕاگەیاند، بەشێك لە وەزارەتەكان لای عەرەبی سونە یاخود كوردن، ڕێژەی گەندەڵی تیایاندا بەرزە، كەچی تانە لە حوكمڕانی شیعە دەدرێت، بۆیە شیعە ناچارە هەندێك ڕێوشوێن بۆ باشكردنی حوكمڕانیەكەی بگرێتەبەر.

وتیشی”شیعە ناچارە بێ ڕازیبوونی لایەنی تر، بودجە پەسەند بكات، چونكە خوارووی عێراق زبڵخانەیە، لەكاتێكدا هەولێر و سلێمانی خەریكە دەبن بە ئەوروپا، خەڵكی خوارووی عێراق مافی خۆیانە بپرسن، كە هەردوولا لە حكومەتن، بۆ هەولێر و سلێمانی وایە و ناوچەكانی ئەوانیش لە سەردەمی سەدام خراپترە”ز
ئاشكراشیكرد، پەڕلەمانتارە شیعەكان لەژێر فشاردان، هەڵبژاردنمان لەپێشە، دەبێت شتێك بۆ خۆیان بكەن و خەڵك ڕازی بكەن، ئەگینا وەزعەكە مەترسیدارە و خەڵك توڕەیە.