سەردێر

“دۆخی عەفرین بە گلەیی و گازندە چارەسەر نابێت و پێویستی بە ڕێگاچارەی سیاسییە”

خەڵك-

ئەندامێكی مەكتەبی سیاسی پارتی دیموكراتی كوردی سوریا ڕایدەگەیەنێت، هیوادارین بە یارمەتی مەسعود بارزانی و ئەنجومەنی نیشتمانیی كورد و ئۆپۆزیسیۆنی سووریا پرسی عەفرین چارەسەر بكەین.
سێ ساڵ بەسەر ئۆپەراسیۆنەكانی توركیا بۆ سەر خاكی ڕۆژئاوای كورستان تێپەڕدەبێتو تاكو ئێستاش گە لە داگیركارییەكانی توركیا بۆ سەر ناوچەكە و نەهامەتییەكانی بۆ دانیشتوانی ناوچەكە هیچ وڵاتێكی زلهێز كاری بۆ ڕاوەدونانی توركیا و هاوپەیمانەكانی نەكردووە.

حوسێن مەستۆ ئەندامی مەكتەبی سیاسی پارتی دیموكراتی كوردی سوریا لە لێدوانێكی ڕۆژنامەوانیدا ڕایگەیاند، توركیا بە ڕەزامەندیی ڕوسیا و ئەمریكا و بە بیانووی بوونی (پەیەدە) لە عەفرین هێرشی كردەسەر ئەم ناوچەیە و بووەهۆی ئاوارەبوونی نزیكەی سێ سەد هەزار كەس.

وتیشی”هیوادارین بە یارمەتیی مەسعود بارزانی و ئەنجومەنی نیشتمانیی كورد و ئۆپۆزیسیۆنی سووریا پرسی عەفرین چارەسەر بكەین”.

ئاشكراشیكرد، ئەو دۆخەی ئێستای عەفرین بە گلەیی و گازندە چارەسەر نابێت، بەڵكو پێویستی بە ڕێگاچارەی سیاسییە.

ڕِوونیشیكردەوە، هیوادارین بە یارمەتیی ئۆپۆزیسیۆنی سوریا ئەم كێشە چارەسەر بكرێت، هەروەها ئاماژەی ئەرێنی هەن لەم بابەتەدا بە سەردانی شاندی ئۆپۆزیسیۆن بۆ سوریا و گەڕانەوەیان بۆ عەفرین.

جەختی لەوەش كردەوە، پرسی عەفرین تەنها بە سیاسەت چارەسەر دەبێت و نابێت لە خەڵكەكەمان لە عەفرین دوور بگرین و دەبێت تێكەڵی ئەو خەڵكە بین.