سەردێر

لەچەند ڕووداوێكدا، ئەمڕۆ 3 كەس گیانیانلەدەستدا

خەڵك-

لە یەكەم ڕِۆژی نەورۆزدا 3 كەس لە هەرێمی كوردستان بە ڕووداوی هاتووچۆو خنكان گیانیان لەدەستدا.

سەرلەبەیانی ئەمڕۆ لەئەنجامی وەرگەڕانی ئۆتۆمبیلێك لە نزیك گوندی ناسرئاغا، منداڵێكی تەمەن هەشت ساڵ گیانی لەدەستداو شەش كەسی دیكە برینداربوون، هاوكات لە سەیرانگای شێخ توراب بەهۆی ڕووداوێكی هاتوچۆ شوفێری ماتۆڕسكێلێك كە تەمەنی ١٩ ساڵ گیانی لەدەستدا.

بەپێی زانیارییەكان هەر ئەمڕۆ لە ڕووداوێكی هاتوچۆدا لە هەورازە نەفت ڕێگای هەولێر -كۆیە دوو كەس بە سەختی برینداربوون، لەلایەكی دیكەشەوە لەهاوینەهەواری دوكان، دوانیوڕۆی ئەمڕۆ لە چەمی دوكان گەنجێك كە تەمەنی ٢٢ ساڵ بووە لە كاتی مەلەكردندا خنكاوە و لەئێستادا تیمەكان خەریكی گەڕانن بەدوای تەرمەكەیدا.