سەردێر

توركیا سەیرانگایەكی هەرێم بۆردومان دەكات

خەڵك-

تۆپخانەكانی توركیا سەیراگایەكی هەرێمی كوردستان بۆردومان دەكەن.

ئەمڕۆ یەك شەممە 21-3-2021 تۆپخانەكانی توركیا چوار گولـلەتۆپ ئاڕاستەی سەیرانگەیەك لە نزیك گوندی بانكابنی لە سنووری ناحیەی باتیفای سەر بە قەزای زاخۆ دەكەن.

بەپێی زانیارییەكان، چوار گوللە تۆپ لە نزیك گوندی بانكابنی كەوتوونەتە خوارەوە، لەو كاتەدا خەڵكی ئەو گوندە چووبوونە دەرەوە، بەهۆی ئەو تۆپبارانكردنە، چەند خێزانێك ناوچەكەیان جێهێشتووە.

دڵشێر عبدولرەحمان قایمقامی قەزای زاخۆ لە لێدوانێكی ڕۆژنامەونیدا ڕایگەیاند، تاكو ئێستا ئەوەی زانراوە هیچ زیانێكی گیانی نەبووە، بەڵام ترس و دڵەراوكێی بۆ خەڵكی ناوچەكە دروستكردووە.