سەردێر

هەولێر، ئاگری نەورۆز كرایەوە و پارێزگار داوای لێبوردن دەكات

 

خەڵك-ئارام سەردار

لەسەر قەڵای هەولێر ئاگری نەورۆز بەبێ هیچ ئاهەنگێك لەلایەن كەس و كاری شەهیدان و خێزانی پارێزگاری كۆچكردووی هەولێر دەكرێتەوە، پارێزگاری هەولێریش داوای پابەندی ڕێكارە خۆپارێزیەكان لەهاووڵاتیان دەكات.

ئومێد خۆشناو، پارێزگاری هەولێر لەكونفڕانسێكی ڕۆژنامەوانیدا ڕایگەیاند، داوای لێبوردن لەخەڵكی هەولێر دەكەم كە بەهۆی ڕێكارە خۆپارێزیەكان نەتوانرا ئاهەنگی گەورە سازبكەن، هەرچەندە خەڵك چاوەڕوانی ئاهەنگ بوون، بەڵام بەڕەچاوی ڕێكاری تەندروستی لەسەر قەڵای هەولێر ئاگری نەورۆز لەلایەن كەس و كاری شەهیدان و خێزانی پارێزگاری كۆچكردووی هەولێر و خێزانی مامۆستا ئیبراهیم كە بەهۆی بەستنی ئاڵای كوردستان كارەبا شەهیدی كرد دەكرێتەوە.

دەشڵێت، تكا لەهاوڵاتیان دەكەین لەپێناو خۆپارێزی و پاراستنی ئازیزانیان لەكاتی گەشت و سەیران پابەندی ڕێكاری تەندروستی ببن و ژینگەش بپارێزن.

ئەوەشی خستەڕوو، وەك پارێزگای هەولێر ڕێكاری تووندی ئەمنی و خۆپارێزیان گرتۆتەبەر بەهاوبەشی هێزە ئەمنیەكان بۆ پارێزگاری لەسەر و ماڵی هاووڵاتیان، لەشوێنە گەشتیاریەكانیش تیمی تەندروستی دەبێت، هاوكات داواش لەهێز و لایەنە سیاسیەكان دەكات بەنەفەسی نەورۆزانەو ڕۆژە جوانەكانی ڕاپەڕین ببنە پاڵپشتی بەرنامە و كارنامەی حكومەت بكەن، بۆ ئەوەی ئێمەش باشترین خزمەت پێشكەش بەهاوڵاتیان بكەین.

No description available.

No description available.

No description available.

No description available.