سەردێر

لەچەند شوێنێكی سلێمانی رێوڕەسمی نەورۆز بەڕێوەدەچێت

سلێمانی ـ نزار جەزا

ئەمڕۆ شەممە لەشاری سلێمانی بڕیارە لەكاتژمێر سێی پاشنیوەڕۆوە ڕێوڕەسمەكانی جەژنی نەتەوەیی نەورۆز لەچەند شوێنێك دەسپێبكەن.

لەبناری چیای گۆیژە لەنزیك هۆتێل تایتانیك ئاگری نەورۆز لەكاژمێر سێ دەكرێتەوە و ژمارەیەك چالاكی جۆراوجۆر ئەنجامدەدرێت.

لەگردی مامە یارە هاوشێوەی ساڵانی پێشتر ئاگری نەورۆز لەكاتژمێر چوار دەكرێتەوە و ژمارەیەك چالاكی جۆراوجۆر بەڕێوەدەچێت.

وەك هەمیشە شەقامی سالم بۆ بۆنە گشتییەكان بەڕووی هاتوچۆی ئۆتۆمبێلدا لەكاتژمێر یەكی پاشنیوەڕۆ بۆ كاتژمێر 12ی شەو دادەخرێت و هاوڵاتییان بەدرێژایی شەقامەكە پیاسە دەكەن.

لەلایەكی دیكەوە لەفێستیڤاڵی كلتوری و ڕۆشنبیری سلێمانی لەدوای كاتژمێر پێنج ئاگری نەورۆز دەكرێتەوە.

ئەمساڵ ئاگری نەورۆز لەژێر ڕێنماییە تەندروستییەكان بەڕێوەدەچێت، ئەمەش بەهۆی مەترسی زیاتر بڵاوبوونەوەی ڤایرۆسی كۆرۆناوەیە.