سەردێر

ئاسایشی سلێمانی چوار كەس دەستگیر دەكات

خەڵك-
بەتۆمەتی ساختەكاری و فرۆشتنی موڵك بە نایاسایی، ئاسایشی سلێمانی چوار كەس دەستگیر دەكات.

بەڕێوەبەرایەتی ئاسایشی سلێمانی لە ڕاگەیەنراوێكدا ئاماژەی بەوەكردووە، لە درێژەی كار و چالاكییەكانی هێزەكانیان بە مەبەستی پاراستنی سەروماڵی هاووڵاتیان، لە ئۆپراسیۆنێكدا توانییان چوار كەس بە تۆمەتی ساختەكاری ناسنامە و فرۆشتنی موڵك بە نا یاسایی بە بڕی 225 هەزار دۆلار دەستگیر بكەن.

ڕاشیگەیاندووە، ئەو تۆمەتبارانە بە بڕی 75 هەزار دۆلار تەلەفزیۆنیان لە پێشانگایەك بردووە و پارەیان بە خاوەنەكەی نەداوە.

ئاشكراشی كردووە، تۆمەتبارەكان دووانیان دانیشتوی شاری كەركوكن و دووانی تریشیان دانیشتوی شارۆچكەی چەمچەماڵن.

جەختیشی كردۆتەوە، ئەو تۆمەتبارانە بە پێی ماددەی 456 لە یاسای سزادانی عێراقی ڕادەستی دادگا كراون.