سەردێر

مەسرور بارزانی داوایەك لە هاووڵاتیان دەكات

خەڵك-
سەرۆك وەزیرانی هەرێمی كوردستان داوا لە هاووڵاتیان دەكات خۆیان لە پەتای كۆرۆنا بپارێزن و دەڵێت: “ژمارەی تووشبووانی ڤایرۆسی كۆرۆنا دووبارە لە بەرزبوونەوەدایە”.

مەسرور بارزانی، لە هەژماری تایبەتی خۆی لە تۆڕی كۆمەڵایەتی تویتەر، نووسیویەتی: “ژمارەی تووشبووانی ڤایرۆسی كۆرۆنا دووبارە لە بەرزبوونەوەدایە. پێویستە هەموومان بەیەكەوە كار بكەین بۆ ئەوەی بەرەنگاریی جۆری نوێی ڤایرۆسەكە ببینەوە”.

ڕاشیگەیاندووە، “خۆتان و خۆشەویستانتان بپارێزن، تكایە دەمامكەكانتان ببەستن و ڕێنماییە تەندروستییەكان پەیڕەو بكەن”.

لە چەند رۆژی رابردوودا، بە شێوەیەكی بەرچاو ئامارەكانی تووشبوون بە كۆرۆنا لە هەرێمی كوردستان هەڵكشاوون و وەزارەتی تەندروستی حكومەتی هەرێم دوێنێ‌ ڕایگەیاند، لە كۆی (7720) پشكنین دەركەوتووە، (512) كەس تووشی پەتاكە بوون.

ده‌قی تویته‌كه‌