سەردێر

دانپیادانانی وەزارەتی خوێندنی باڵای عێراق بە زانكۆیەكی هەرێم

خەڵك-
سەرۆكی زانكۆی پۆلیتەكنیكی سلێمانی، دانپیادانانی وەزارەتی خوێندنی باڵاو توێژینەوەی زانستی بە زانكۆكەمان ڕادەگەیەنین.

ئەمڕۆ پێنج شەممە 18ی ئادار 2021 د.ئالان فەرەیدون عەلی سەرۆكی زانكۆی پۆلیتەكنیكی سلێمانی لە كۆنفڕانسێكی ڕۆژنامەوانیدا ڕایگەیاند، لەپاش سەردانی لیژنەیەكی باڵاو پسپۆڕ لە وەزارەتی خوێندنی باڵاو توێژینەوەی زانستی حكومەتی عێراقی فیدڕاڵ لە 2020/11/3 و مانەوەیان بۆ ماوەی 10 ڕۆژ بەسەرۆكایەتی د.حەیدر بەغدادی و شاندێكی هاوڕێی كە لەو ماوەیەدا لیژنەكە سەردانی مەیدانی سەرجەم كۆلێج و پەیمانگاكان و سەنتەرەكان و سەرۆكایەتی زانكۆیان كرد، سەرجەم دەزگاو دامەزراوەكانی زانكۆی پۆلیتەكنیكی سلێمانیان پشكنی، خۆشبەختانە ئاگاداركراینەوە كە بە نووسراوی ژمارە 1367 لە 2021/2/3 دانپیادانانی فەرمی بە زانكۆی پۆلیتەكنیكی سلێمانی بەهەموو پێكهاتەكانیەوە ڕەزامەندی لەسەر دراوەو لەومەودوا لە كتێبی دەرچووانی زانكۆكانی عێراق ناوی زانكۆی پۆلیتەكنیكی سلێمانی دەبینرێت و دەچێتەسەر نەخشەی زانكۆ جیهانییەكان.

وتیشی”ئەمە یەكێكە لەدەستكەوتە گرنگ و مێژوییەكانی زانكۆ كە لەم تەمەنە كەمەكیدا بەدەستی هێناوە كە هەواڵێكی دڵخۆشكەربوو بۆ هەمووان”.

ناوبراو سوپاسی هەموو ئەو كەس و لایەنانەی كرد كە هاوكارو پشتیوان بوون لە سەركەوتنی ئەم پڕۆسەیەدا و خوێندكارانیش دەتوانین بڵێین ئەم هەنگاوە گەلێك گرفت چارەسەر دەكات بەتایبەتی بۆ ئەو بەڕێزانەی كە درێژە بەخوێندنی باڵا دەدەن و ئیشوكاریان دەكەوێتە حكومەتی فیدراڵی.