سەردێر

ڕوونكردنەوەیەك لە هاتوچۆی هەولێرەوە

خەڵك
هاتوچۆی هەولێر روونكردنەوەیەك لەبارەی پشكنینی ئۆتۆمبێل لە پارێزگاكانی دیكە بڵاودەكاتەوە و رایدەگەینێت،”پشكنینی هەموو بەڕێوەبەرایەتی و ئیدارە سەربەخۆكان كاری پێدەكرێت”.

بەڕێوەبەرایەتی هاتوچۆی هەولێر ئەمڕۆ پێنجشەممە روونكردنەوەیەكی بڵاوكردەوە و ڕایگەیاند، چەند ڕۆژێكە لەتۆڕە كۆمەڵایەتیەكان بابەتێك بڵاو بۆتەوە كە گوایا پشكنینی ئوتومبێل ئەگەر لە كۆیە یان سلێمانی یان دهۆك بكرێت لە بەرێوەبەرایەتی هاتوچۆی هەولێر كاری پێناكرێت، تەنها قسەیەو ڕەتی دەكەینەوە.

لەڕوونكردنەوەكەدا ئەوەش هاتووە، ئێمە لە هاتووچۆی هەولێر سەرتاپای ئەو قسەو واتەواتە ڕەتدەكەینەوە و پشكنینی هەموو بەڕێوەبەرایەتی و ئیدارە سەربەخۆكان كاری پێدەكرێت، كە ئەمەیان وەكو ئاسانكاریەكە بۆ هاوڵاتیانیش بەڵام بەپێی ڕێنماییەكان ئێمە وا ڕێككەوتوین كە هەر پشكنینێك دەكرێت بۆئەوەی ڕێگری بكرێت لە ساختەكاری بە دوو شێوە بۆمان بنێردرێت، ئەویش یان بە ئیمێل لە ڕێگای بەڕێوەبەرایەتیەكە یاخود بەنوسراوی بەڕێوەبەرایەتیەكە”.

ئاماژە بەوەشكراوە، هەر پشكنینێك بەو دوو شێوازە هاتبێت كاری لەسەر دەكرێت لە دەرەوەی ئەمەش بە دەست هاوڵاتیەكە خۆی بیهێنێت وەكو جۆرێك لەخێراكردن لێی وەرناگیرێت.