سەردێر

ئەمڕۆ پڕۆژەیاساكانی دادگای فیدڕاڵی و بودجە یەكلاییدەكرێنەوە

خەڵك-

سەرۆكی پەڕلەمانی عێراق ڕایدەگەیەنێت، ئەمڕۆ دەنگ لەسەر پڕۆژە یاسای دادگای فیدڕاڵی دەدەین و كۆبوونەوەیەكی گرنگیش بۆ پەسەندكردنی پڕۆژە یاسای بودجە دەكرێت.

محەمەد حەلبوسی سەرۆكی پەڕلەمانی عێراق لە ڕاگەیەنراوێكدا ئاماژە بۆ ئەوە دەكات، كاتژمێر 4ی پاشنیوەڕۆی ئەمڕۆ 18ی 3ی 2021 پەڕلەمان بۆ دەنگدان لەسەر پڕۆژە یاسای دادگای فیدڕاڵی كۆدەبێتەوە و پڕۆژەكە پەسەند دەكرێت.

وتیشی”هەر ئەمڕۆ كاتژمێر 6ی ئێوارە سەرۆكایەتی پەڕلەمان لەگەڵ ئەندامانی لیژنەی دارایی و سەرۆكی فراكسیۆنەكانی پەڕلەمان لە هۆڵی دەستوری ناو پەڕلەمان بۆ تەواوكردنی داواكارییەكانی پەسەندكردنی پڕۆژە یاسای بودجەی 2021ی عێراق كۆدەبێتەوە.