سەردێر

خوێندنی باڵا چەند خوێندكارێك دەخاتە لیستی ڕەشەوە

خەڵك
وەزارەتی خوێندنی باڵاو توێژینەوەی زانستی بە هۆكاری ساختە كردنی بڕوانامە،بڕیاری داوە 24 خوێندكار بخاتە لیستی ڕەشەوە.

بەگوێرەی بڕیارێكی وەزارەتی خوێندنی باڵا و توێژینەوەی زانستی كە مێژووەی بڕیارەكە بۆ ساڵی 2019 دەگەڕێتەوە باس لەوەكراوە، بۆ ساڵی خوێندنی (2016- 2017) لە زانكۆی سەلاحەدین لە هەولێر، 24خوێندكاری خوێندنی باڵا لە ماستەرو دكتۆرا، بڕوانامەی توانستی زمانی ئینگلیزییان ساختە كردوە، بەو هۆكارەش خراونەتە لیستی رەشەوە‌و مافی خوێندنیان لە هەموو زانكۆكانی هەرێمی كوردستان لێوەرگیراوەتەوە.

لەو ژمارە خوێندكارەش كەسانی سیاسی و بەرپرس و تەنانەت پەرلەمانتاری هەرێمی كوردستانی تێدایە، ئەوەش لە كاتێكدایە وەزارەتی خوێندنی باڵای هەرێم بۆ ساڵی 2020-2021 ئاسانكاری كرد كە خوێندكارانی باڵا پاش تەواوكردنی كۆرسی خوێندنیش توانستی زمان پێش بخەن ڕێگەپێدراوە و پێش پێدانی بڕوانامە.