سەردێر

بڕێك پارەی زۆر لە بەغداوە ڕەوانەی هەرێم كرا

خەڵك-
بڕێك پارە لە عیراقەوە ڕەوانەی هەرێمی كوردستان كرا و كاتی دابەشكردنی پارەی جوتیاران لە ناوچە جیاجیاكانی هەرێمی كوردستان دیاری كرا.

سایلۆی سلێمانی لە ڕاگەیەنراوێكدا ئاماژەی بەوەكردووە، ئەو جوتیارانەی بەرواری ٢٩- ٦- ٢٠٢٠ گەنمیان ڕادەستی سایلۆی سلێمانی کردووە ڕۆژی پێنچ شەممە بەرواری ١٨- ٣- ٢٠٢١ سەردانی هۆبەی ژمێریاری بەڕێوەبەرایەتیمان بکەن لە شارەدێی پیرەمەگروون بە مەبەستی وەرگرتنی چەکی پارەکانیان.

ڕاشیگەیاندووە، پێویستە ئەو جوتیارەی مامەڵەی گەنمەکەی بە ناوەوەیە خۆی ئامادەبێت یان بریكارنامەی بۆ کەسێکی تر کردبێتەوە و مێژووی بریكارنامەكەی ساڵی ٢٠٢١ بێت .

هاوكات، سایلۆی ڕۆڤیا لە پارێزگای دهۆك لە ڕاگەیەنراوێكدا ئاماژەی بەوەكردووە، جوتیارەکانی سنوورەکەمان ئاگادار دەکەین ئەوانەی گەنمیان ڕادەستی سایلۆی ڕۆڤیا کردووە تاکو 28-6-2014، سبەینێ‌ 18-3-2021 سەرەدانی سایلۆی فایدە بكەن بۆ وەرگرتنی چەکی پارەکانیان.