سەردێر

مەسرور بارزانی دەربارەی كۆرۆنا پەیامێكی بڵاوكردەوە

خەڵك-
ماوەی چەند ڕۆژێكە ژمارەی تووشبوون و مردن بە كۆرۆنا لە هەڵكشانە و ئەمڕۆ گەیشتە ئاستی مەترسیدار و سەرۆكی حكومەتی هەرێمی كوردستان بە پەیامێك داوا لە هاووڵاتیان دەكات، “دەمامك ببەستن”.

مەسرور بارزانی، سەرۆكی حكومەتی ھەرێمی كوردستان لە پەیامێكدا، كە لەڕێگەی وەزیری تەندروستییەوە بڵاویكردۆتەوە دەڵێت: “كارمەندانی تەندروستی ڕۆژانە ژیانی خۆیان دەخەنە مەترسییەوە لە پێناو سەلامەتی ئێمە، دەبێت ئێمەش یارمەتیدەر بین بە بەستنی دەمامك و پەیڕەوكردنی ڕێنماییە تەندروستییەكان و ڕێكارەكانی خۆپارێزی”.

بەپێی دواین ئاماری وەزارەتی تەندروستی كە ئەمڕۆ بڵاوكراوەتەوە، “لە 24 كاتژمێری ڕابردوودا 541 حاڵەتی تووشبوون بە كۆرۆنا تۆماركراوە و 208 كەس چاكبوونەوە و 3 كەسیش گیانیان لەدەستداوە”.