سەردێر

بروسكەی ماتەمینی یەكێتی وەبەرهێنەرانی كوردستان بۆ بنەماڵەی حاجی بەكر حاجی مەعروف

خەڵك-

یەكێتی وەبەرهێنەرانی كوردستان بروسكەیەكی ماتەمینی ئاڕاستەی كەسوكار و بنەماڵەی سەرمایەدار،(حاجی بەكر حاجی مەعروف) دەكات.

یەكێتی وەبەرهێنەرانی كوردستان لە بروسكەیەكی ماتەمینی بۆ كەسوكار و بنەماڵەی سەرمایەدار،(حاجی بەكر حاجی مەعروف) ڕایگەیاند”بەداخ و كەسەرێكی زۆرەوە هاوخەمی بۆ ژیانئاوایی، هاوڕێ و هاوكارمان حاجی بەكر، خاوەنی كۆمپانیای شارەزوور ڕادەگەیەنین كە بە هۆكاریی دەرهاویشتە جیاجیاكانی نێو قەیرانە یەك لەدوای یەكە ئابووری و داراییەكانی كە ڕوویان لەهەرێمە و بەهۆی مایەپووچ بوونی كۆتایی بە ژیانی خۆی هێنا.

هەر لە بروسكەكەدا هاتووە”ناوبراو یەكێك بوو لەو كەسایەتیانەی كە لەسەرەوەختی هەر ئەگەر و قەیرانێك جێ دەستی دیار بووە لەخزمەت بە حكومەت و هاووڵاتیان و دواین كاری مەردانەشی بەشدارییكردن بوو لەگەڵ هاورێیانی سەرمایەداری، لە دوو پڕۆژەی گرنگی ڕووبەڕووبوونەوەی ڤایرۆسی كۆرۆناو دروستكردنی نەخۆشخانەو دابینی پێداویستییە پزیشكییەكان بۆی”.

یەكێتی وەبەرهێنەرانی كوردستان دەڵێت”ژیان ئاوایی ئەم كەسایەتییە كەلێنێكی خاڵییە لە پرۆسەی كاری خێرخوازی و دەستگیرۆیی هەژاران و نەداران و بەدەمەوەچوون و بەگژداچوونەوەی ساتەوەختی قەیرانەكان، كە بەداخەوە، قەدەر ڕێی نەدا تەمەنی پڕبەخششی بكاتە نمونەی بەرزی یاریدەدان و هاوكاری هەمووان”.

یەكێتی وەبەرهێنەران بەناوی سەرجەم هاوڕێیانیان لە لەیەكێتی وەبەرهێنەرانی كوردستان، سەرەخۆشی و دڵارامی بۆ كەسوكارو بنەماڵەی حاجی بەكر دەخوازن و لە یەزدانی مەزن داواكارن، لەپای كارە باش و بۆ خوا ویستەكانی دوا مەنزڵی كانگای ئارامی بێت و بەكارە باش و خەمخۆرانەكانی پاداشت بدرێتەوە.

دەقی بروسكەكە:

بەداخ و کەسەرێکی زۆرەوە هاوخەمی بۆ ژیانئاوایی، هاوڕێ و هاوکارمان حاجی بەکر، خاوەنی کۆمپانیای شارەزوور ڕادەگەیەنین کە بە هۆکاریی دەرهاویشتە جیاجیاکانی نێو قەیرانە یەک لەدوای یەکە ئابووری و داراییەکانی کە ڕوویان لەهەرێمە و بەهۆی مایەپووچ بوونی کۆتایی بە ژیانی خۆی هێنا.

ناوبراو یەکێک بوو لەو کەسایەتیانەی کە لەسەرەوەختی هەر ئەگەر و قەیرانێک جێ دەستی دیار بووە لەخزمەت بە حکومەت و هاووڵاتیان و دواین کاری مەردانەشی بەشدارییکردن بوو لەگەڵ هاورێیانی سەرمایەداری، لە دوو پڕۆژەی گرنگی ڕووبەڕووبوونەوەی ڤایرۆسی کۆرۆناو دروستکردنی نەخۆشخانەو دابینی پێداویستییە پزیشکییەکان بۆی.

ژیان ئاوایی ئەم کەسایەتییە کەلێنێکی خاڵییە لە پرۆسەی کاری خێرخوازی و دەستگیرۆیی هەژاران و نەداران و بەدەمەوەچوون و بەگژداچوونەوەی ساتەوەختی قەیرانەکان، کە بەداخەوە، قەدەر ڕێی نەدا تەمەنی پڕبەخششی بکاتە نمونەی بەرزی یاریدەدان و هاوکاری هەمووان.

بەم بۆنە غەمناکەوە، بەناوی سەرجەم هاوڕێیانمان لەیەکێتی وەبەرهێنەرانی کوردستان، سەرەخۆشی و دڵارامی بۆ کەسوکارو بنەماڵەی کاکە حاجی بەکر دەخوازین و لە یەزدانی مەزن خوازیارین، لەپای کارە باش و بۆ خوا ویستەکانی دوا مەنزڵی کانگای ئارامی بێت و بەکارە باش و خەمخۆرانەکانی پاداشت بدرێتەوە.

یاسین مەحمود ڕەشید

سەرۆکی یەکێتی وەبەرهێنەرانی کوردستان – سلێمانی
2021/3/15