سەردێر

وەزیری شارەوانی: بە بڕی 40 ملیار دینار پرۆژە بۆ هەڵەبجە دەكەین

خەڵك-ئارام سەردار
وەزیری شارەوانی و گەشت و گوزار ڕایدەگەیەنێت، بۆ هەڵەبجە ماستەرپلان لەئەولەویەتی كارەكانمانە و یەكەم پڕۆژەیە ئومێد دەكەین ئەمساڵ ئەوەی كراوە تەواوی بكەین، هەندێكی تریش جێبەجێ بكەین.

ساسان عەونی، وەزیری شارەوانی و گەشت و گوزار لەلێدوانێكی ڕۆژنامەوانیدا ڕایگەیاند، بابەتی زۆر گرنگ لەسەر پارێزگای هەڵەبجە باسكرا، وەك وەزارەتەكەی ئێمەش بۆ هەڵەبجە دوو جۆرە پڕۆژە لەبەرنامەی وەزارەتی شارەوانیە، یەكەمیان لیستی پڕۆژە پێشنیازكراوەكانی وەزارەتە بۆ ساڵی٢٠٢١، كە ١١ پڕۆژەن بەبڕی٣٣ ملیار، هەروەها لیستی پڕۆژە بەردەوامەكان لەسەر بوودجەی وەبەرهێنان بۆ تەرخانكراوی ساڵی ٢٠٢١، بەبڕی ٣ ملیار ٦٢٠ ملیۆن دینارە.

دەشڵێت: “لەماوەی ڕابردوو پڕۆژەیەكی ترمان بەبڕی ٣ ملیار دینار دەست پێكرد، هاوكات ئەوەی داواكاری بوو زیاتر جەخت لەجێبەجێ كردنی ماستەر پلانی پارێزگای هەڵەبجە كراوە”.

جەختیشی كردەوە، بەدڵنیایی ماستەرپلان لەئەولەویەتی كارەكانمانە و یەكەم پڕۆژەیە ئومێد دەكەین ئەمساڵ ئەوەی كراوە تەواوی بكەین، هەندێكی تریش جێبەجێ بكەین.