سەردێر

قائیمقامی هەڵەبجە:داوای دامەزراندنی 500 كەسمان كردووە

 

خەڵك – یەحیا حبیب

قائیمقامی قەزای ناوەندی پارێزگای هەڵەبجە ڕایگەیاند، داوامان لە حوكمەتی هەرێم كردووە كە 500 میلاكمان بۆ دابمەزرێنن.

نوخشە ناسیح، قائیمقامی قەزای ناوەندی پارێزگای هەڵەبجە بە (خەڵك)ی ڕاگەیاند، ئەو كارەی بۆ هەڵەبجە كراوە لە ئاستی پێویستی كەسوكاری شەهیدان و خەڵكی ئەو شارەدا نییە و دوای ئەوەی بووەتە پارێزگا پێویستمان بە دامەزراندنی 500 فەرمانبەرەو داوامان لە حكومەت كردووە ئەو كارمەندانەمان بۆ دابمەزرێنن بۆ ئەوەی بتوانین كۆمەڵێك لە فەرمانگەكان بخەینە سەر پێ .

وتیشی، “لە دوای دامەزراندنی ئەو 500 میلاكە ئەوكات ئێمە تەنها كارەكانمان بەڕێدەكرێت و بە مانای ئەوە نایەت كە تەنها ئەو ژمارەیەمان دەوێت و ئیدی هەڵەبجە كێشەی دامەزراندنی نابێت “.