سەردێر

بە ئامادەبوونی چەند وەزیرێك، پەڕلەمانی كوردستان كۆدەبێتەوە

خەڵك-

ئەمڕ پەڕلەمانی كوردستان كۆدەبێتەوە و تەوەری سەرەكی كۆبوونەوەكەش تایبەت دەبێت بە ساڵیادی كیمیابارانكردنی شارى هەڵەبجە.

بەپێی زانیارییەكان، ئەمڕۆ بە ئامادەبوونی چەند وەزیرێك پەڕلەمانی كوردستان كۆدەبێتەوە و دۆخی هەڵەبجە و بریندارانی شارەكە و گرفتەكانیان تاوتوێ دەكرێن.

هەر بەپێی زانیارییەكان، هەر یەك لە ڕێبەر ئەحمەد وەزیری ناوخۆ و دارا ڕەشید وەزیری پلاندانان و بێگەرد تاڵەبانی وەزیری كشتوكاڵ و كەمال موسلیم وەزیری پیشەسازی و بازرگانی و حەمەی حەمەسەعید وەزیری ڕۆشنبیری و بەرەڤان حەمدی بریكاری وەزیری شەهیدان و ئەنفالكراوەكان و محەمەد شوكری سەرۆكی دەستەی وەبەرهێنان بەشداری كۆبوونەوەكە دەبن.

33 ساڵ بەسەر كیمیابارانكردنی هەڵەبجەدا تێپەڕ دەبێت و دانیشتووانی شاكەرەكەش ڕەخنەی توند لە حكومەتی هەرێم و حكومەتی عێراقی دەگرن بەوەی كە تاكو ئێستا جگە لە بەڵێنی ناڕاست هیچ گرفتێكی ناوچەكەیان چارەسەر نەكردووە.