سەردێر

گرووپی كۆمپانیاكانی بەڕێز كارمەندی ساڵی دیاریكرد

خەڵك ـ نزار جەزا

گرووپی كۆمپانیاكانی بەڕێز كارمەندی ساڵی 2020ی دیاریكرد و لەڕێوڕەسمێكی شایستەدا ڕێزلێنانیان پێشكەشكرا.

نۆ كارمەند لەلایەن گروپی كۆمپانیاكانی بەڕێزەوە وەك كارمەندی ساڵی 2020 دەستنیشانكران.

دەستنیشانكردنی ئەم كارمەندانە لەبەرامبەر خەمخۆری و لێبووردەیی و كارامەیی لەئەركەكانیاندابووە، بۆیە گرووپی كۆمپانیاكانی بەڕێز هیوای بەردەوامی و كاری باشیان بۆ دەخوازێت.

یاسین مەحمود، سەرۆكی ئەنجومەنی بەڕێوەبردنی گرووپی كۆمپانیاكانی بەڕێز، لەڕێوڕەسمەكەدا ئاماژەی بۆ ئەوەكرد، ئەم كارمەندانە نمونەی كارمەندی دڵسۆزن، كە بەردەوامییان دەبێتە هۆی بەرەوپێشبردنی پڕۆژەكانی كۆمپانیا بۆخزمەتكردنی زیاتری كۆمەڵانی خەڵكی كوردستان.

ساڵانە گروپی كۆمپانیاكانی بەڕێز ژمارەیەك كارمەند دیاریدەكات، كە نموونەی دڵسۆزی و خەمخۆریبوون، ئەمەش دەبێتە دەستكەوتێكی گرنگ، بۆ ئێستا و داهاتوی كاركردنی كارمەندەكان لەهەر شوێنكارێك.

گرووپی كۆمپانیاكانی بەڕێز، سەرەتای كاركردنی دەگەڕێتەوە بۆ كۆتایی ساڵی 2001 و بە كارخانەیەكی نوێی دروستكردنی دەرگاو پەنجەری پی ڤی سی كە لەو سەردەمەدا لە كوردستان و عیراق وێنەی نەبوو، تەنها 7 كارمەندی لەخۆگرتبوو، دەروازەیەكی خێری بەڕووی شاری سلێمانی و كوردستاندا كردەوە.

لەساڵی 2002، یەكەم كارگەی مۆنتاژی بەرهەمەكانی ئێم دی ئێف هێنايە كوردستان و عیراق كردەوە. لەساڵی 2003، بۆ یەكەم جار بیرۆكەی دامەزراندنی كۆمەڵگای وەرزشی و یاریگای تاتانی لەسەر دەستی گروپی كۆمپانیاكانی بەرێز بونیادنرا، هەر لەو بوارەشدا 10 كۆمەڵگای وەرزشی بێ‌ وێنەی پێشكەش بە شاری كەركوكی خۆشەویست كردووە.

گرووپی كۆمپانیاكانی بەڕێز، خاوەنی ڕێكخراوی خێرخوازی خەڵكە، كە لەڕێگەیەوە هاوكاری سەدان و هەزاران خێزانی كەمدەرامەت و نەخۆش و خاوەن پێداویستییە تایبەتەكان و خوێندكاران و بنەماڵەی شەهیدان و هەر كەسێك كردووە، كە پێویستی بەهاوكاری هەبووبێت، لەگەڵ ئەمەشدا كۆمپانیاكە پاڵپشتی چەندين ڕێكخراوی خێرخوازی دیكە دەكات بۆئەوەی هاوكاری خەڵكانی كەمدەرامەت بكەن.

لەساڵی 2004 و 2005 دا، پڕۆژەكانی بەڕێز جگە لە كوردستان شارەكانی تری عیراقی گرتەوە. هەر لەسەرەتاوە هەمیشە بیریان لە پڕۆژەی نوێ‌ و گەورە كردووەتەوە بۆ خزمەتكردن و جێ دەستیان دیاربووە لەزۆربەی شار و شارۆچكەكانی كوردستان.



هەلبژاردە

گرنگترینەکان