سەردێر

فێستیڤاڵی كوردستان دەستیپێكرد

كاری دەستی و بەرهەمی ژنانی كورد نمایش دەكرێت

خەڵك
فێستیڤاڵێكی 11 ڕۆژی لە پارێزگای سلێمانی كرایەوەو تیایدا دەستكار و بەرهەمی ناوخۆیی ژنانی كورد نمایش دەكرێت.

سروە عوسمان، سەرپەرشتیار ی گروپی خەیاڵی خانمان بە (خەڵك) ی ڕاگەیاند، فێستیڤاڵی كوردستان ساڵانەیە و بۆ ئەمساڵ بەشێكی زۆری فێستیڤاڵەكە لە كارفوری فاملی مۆڵ بۆ گروپەكەی ئێمە دابینكراوە كە گروپەكەمان لە 50 خانم لە شارو شارۆچكەكانی هەرێمی كوردستان پێكهاتووەو ئێستا زیاتر لە 15 ئەندام بەچەند كارێكی جیاواز بەشدارن و فێستیڤاڵەكە 11 ڕۆژ واتە تاكو 22 ی ئەم مانگە بەردەوام دەبێت

“كارەكان هەمەجۆرن”

سروە عوسمان كە كاری كێشانی تابلۆ و ئێكسسواری خانمان و نەخشی خەنە دەكات وتی، كاری بەشداربوان بریتییە لە، چنین ، سیرامیك، ئێكسسواراتی خانمان، جوانكاری ناوماڵ، ئەتەمین، نەخشی خەنە، چنینی جل و بەگی كوردی خانمان.

“بە ڕێكاری خۆپارێزی بەردەوام دەبێت”

وتیشی، فێستیڤاڵەكە بە ڕێكاری خۆپارێزی دژی ڤایرۆسی كۆرۆنا بەڕێوە دەچێت و دڵخۆشین بەوەی ئەمساڵ توانیمان بەشداری بكەین و هاوڵاتیانیش بەگڕوتینێكی زیاترەوە سەردانی فێستیڤاڵەكە دەكەن پێچەوانەی ساڵی ڕابردوو كە بەهۆی كەرەنتینەوە نەمان توانی هیچ چالاكیەك ئەنجام بدەین.

ئاماژەی بەوەشكرد، گروپەكەیان لەماوەی داهاتوو بەتایبەت بۆ ڕۆژانی نەورۆز لە پارێزگای سلێمانی و دەوروبەری، پێشانگای تایبەت بە كاری دەستی خانمان دەكاتەوە.

لاڤان میكائیل، یەكێكی دیكە لە بەشداربوانی فێستیڤاڵەكەبۆ (خەڵك) وتی، من بە كاری تاجی بووك و جۆرەكانی دیكەی تاج بەشداریم كردووەو ماوەی 3 ساڵە ئەم كارە دەكەم.

وتیشی، لە شارۆچكەی چەمچەماڵەوە بەشدارم و تا ڕادەیەك ئاستەنگی هەیە لەبەردەم بەشداربوونم لە فێستیڤاڵ و پێشانگاكاندا، بەڵام خۆشەویستیم بۆ كارەكەم و پێویستیم بۆ ژیانی ڕۆژانەم وام لێدەكات بەردەوام بم.

No description available.

No description available.

No description available.

No description available.

No description available.

No description available.

No description available.

No description available.