سەردێر

هێزەكانی ئێران، كۆڵبەرانی كورد دەكەنە ئامانج

خەڵك-

ڕێكخراوی مافی مرۆڤی هەنگاو ڕایدەگەیەنێت، لە ماوەی ڕۆژانی ڕابردوودا دوو كۆڵبەر لە سنوورەكانی بانە و نەوسوود بە تەقەی ڕاستەوخۆی هێزە چەكدارەكانی ئێران بریندار كراون.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، ئەمڕۆ شەممە، هێزە چەكدارەكانی ئێران لە سنووری كەندەسووری بانە تەقەیان لە كۆڵبەران كردووە و لە ئاكامدا كۆڵبەرێك بە ناوی سۆران ڕەشیدپوور بە سەختی بریندار بووە و بەپێی زانیارییەكان، بە مەبەستی چارەسەری پزیشكی بۆ یەكێك لە بنكە تەندروستییەكانی هەرێمی كوردستان گوازراوەتەوە.

ئاشكراشیكرد، ڕۆژی چوار شەممەی ڕابردوو، هێزە چەكدارەكانی ئێران لە سنووری نەوسوود تەقەیان لە كۆڵبەران كردووە و كۆڵبەرێك بە سەختی بریندار كراوە.