سەردێر

ئاسایشی ڕۆژئاوای سلێمانی باندێكی تاوانكار دەستگیردەكات

خەڵك

بەڕێوەبەرایەتی ئاسایشی ڕۆژئاوای سلێمانی دەستگیركردنی باندێكی ڕاگەیاند كە چەندین كاری جیاجیای تاوانیان ئەنجامداوە.

كاتژمێر ۲ی پاش نیوەرۆی ئەمڕۆ 11/3/2021 بەڕێوەبەرایەتی ئاسایشی ڕۆژئاوای سلێمانی دەستگیركردنی باندێكی ڕاگەیاند كە لە ٤ كەس پێكهاتووە ۳ كەسیان دەستگیركراوە كە لە ٥ ئەم مانگە لە ڕێگای چەمچەماڵ – تەكیە كەسیێكی بەڕەگەز عەرەبیان كوشتووە بەمەبەستی بردنی ئۆتۆمبێلەكەی هەر ئەم باندە چەندین تاوانی تریان ئەنجامداوە.

نەقیب ڕێژین ساڵح حەمە لێپرسراوی بەشی ڕاگەیاندنی ئاسایشی ڕۆژئاوای سلێمانی لە كۆنفرانسێكی ڕۆژنامەوانیدا ڕایگەیاند: دوای ئەوەی زانیاریمان پێ گەیشت باندێكی ٤ كەسی لەسەر ڕێگای چەمچەماڵ كەسێكیان بەڕەگەز عەرەب كوشتووە بەمەبەستی بردنی ئۆتۆمبێل و پارەكانی گیرفانی كە هاووڵاتییە عەرەبەكە بەمەبەستی گەشتكردن لەگەڵ ئامۆزایەكی و منداڵەكانی لەبەغدا هاتبوو بۆ سلێمانی لەدوای ڕووداوەكە بەسەرپەرشتی لیوا عەلی شەهید محەمەد بەڕێوەبەری بەڕێوەبەرایەتی هێزەكانمان لە بەڕێوەبەرایەتی ئاسایشی ڕۆژئاوای سلێمانی كەوتنە كۆكردنەوەی زانیاری سەرئەنجام توانرا لە ٢٠٢١/٣/٨ دوو كەس لەو تۆمەتبارانە دەستگیر بكرێت و لە ٢٠١٢/٣/٩ كەسێكی تر لە تۆمەتبارەكان دەستگیركرا.

لێپرسراوی بەشی ڕاگەیاندنی ئاسایشی ڕۆژئاوای سلێمانی وتیشی: پێشتریش هەمان باند لە ڕێگای سەرەكی سلێمانی – كەركوك چەندجارێك ڕێگری و ئاستەنگیان بۆ هاتووچوی هاووڵاتیان دروستكردبوو لەپێناو بردنی ئۆتۆمبێل و پارەی گیرفانیان.

نەقیب ڕێژین ساڵح حەمە ئاماژەی بەوەشكرد، لەئێستادا بەماددەی ٤۰٥ لەلایەن دادگای لێكۆلینەوەی چەمچەماڵ ڕاگیراون لەلایەن بەشی لێكۆلینەوەی بەڕێوەبەریەتیمان پەڕاوی لێكۆلینەوەیان بۆ كراوەتەوە.