سەردێر

تواناكانی خانمان خرایەڕوو

سلێمانی ـ نزار جەزا

ئەمڕۆ پێنج شەممە لەشاری سلێمانی ئیڤێنتێك بۆ دەرخستنی تواناكانی خانمان بەڕێوەچوو.

ئیڤێنتی خانمان و تواناكانیان لەشاری سلێمانی بەمەبەستی پیشاندانی توانا شاراوەكانی خانمان و سوودوەرگرتن لەو توانایانە بەڕێوەچوو.

چرا عەلی بەرپرسی پلاتفۆڕمی خانمان لەڕێكخراوی دیالۆگ و كلتور ڕایگەیاند، ئەو خانمانەی ئەمڕۆ لەئیڤنتەكەدا بەشدارن باس لەتواناكانیان دەكەن.

ئەوەشی خستەڕوو، ئامانج لەئیڤێنتەكە پاڵپشتیكردنی یەكترە، هەروەها دەیانەوێت ئەزموونەكانیان بەكاربهێننەوە بۆ كەسانی دیكە، بۆئەوەی ئەو گەنجانەی خەونیان هەیە سودیان لێ وەربگرن و خانمی سەركەوتوی زیاتر هەبێت.

باسی لەئەوەشكرد، پێویستە خانمان هەوڵبدەن و بخوێننەوە و ئەزموونی سەركەوتن تاقیبكەنەوە، بۆئەوەی خانمانی كارساز و سەركەوتووی زیاتر ببینین.

ئەمە لەكاتێكدایە ژنان لەهەرێمی كوردستان لەدوای پڕۆسەی ئازادی عیراقەوە دەرگای خوێندن و كار و پێشكەوتنی زیاتر بەڕوویاندا كرایەوە.

No description available.

No description available.